Taxiatosh tumani Ichki ishlar bo'limi boshlig‘i podpolkovnik Shaxriyor İsmailovning Taxiatosh tumani aholisiga Kiberjinoyatlardan ogohlik yo‘nalishida tuman aholisi va mehmonlariga murojaati
2026-06-08 11:30:00 / Yangiliklar
Hurmatli fuqarolar!
So‘nggi paytlarda shahrimiz hududida kiberjinoyatlar soni ortib bormoqda.
Xususan, Taxiatosh tumani hududida bugungi kunga qadar jami
55 fuqaro 454 mln so‘mdan ortiq pullaridan ayrilgani haqida ichki ishlar organlariga murojaat qilgan.
Murojaatlarni tahlil qilganimizda, asosiy sabablaridan biri hanuzgacha fuqarolar telegramdan kelgan zararli ilovalar va havolalarni yuklab olishi, pul ko‘paytirib beramiz degan firibgarlarga ishonishi, qo‘liga olmagan yoki ko‘rsatilmagan xizmat uchun oldindan pul o‘tkazib aldanishi, shuningdek, o‘zini bank yoki HMQO xodimi deb tanishtirgan shaxslarga ishonib shaxsiy ma’lumotlarini aytib qo‘yish kabi holatlar bilan bog‘liq.
Hurmatli fuqarolar,
- Telegramdan kelgan zararli APK fayllarni ochmang,
- pul ko‘paytirib beramiz degan yolg‘on treyderlarga ishonmang,
- onlayn savdo qilishda faqat ishonchli platformalardan foydalaning,
- O‘zini bank yoki HMO xodimi deb atagan shaxslarga shaxsiy ma’lumot va tasdiqlovchi kodlarni aytmang.
Shuni unutmang, o‘z xavfsizligingiz o‘z qo‘lingizda.