Taxiatoshda "Ayollar daftari"ni yuritish bo‘yicha yangi tartiblar muhokama qilindi
2026-06-03 10:50:00 / Yangiliklar
Taxiatosh tumani hokimligida 2026-yil uchun "Ayollar daftari"ni yuritish hamda tizimdagi yangi o‘zgarishlar va ustuvor vazifalarga bag‘ishlangan ishchi uchrashuv bo‘lib o‘tdi.
Uchrashuvda O‘zbekiston Kasaba uyushmalari Federatsiyasining Qoraqalpog‘iston Kengashi raisi U.Jalmenov, tumanga biriktirilgan vakil Sh.Mavlonov, tuman hokimining birinchi o‘rinbosari S.Allambergenov, Oila va xotin-qizlar bo‘limi boshlig‘i G.Bekbergenova hamda ishchi guruh a’zolari ishtirok etdi.
Yig‘ilishda yangi Nizom doirasidagi 3 ta asosiy yo‘nalish belgilab berildi:
🔹 Bandlik: Ishsiz xotin-qizlarni ish o‘rinlari va doimiy daromad bilan ta’minlash;
🔹 Tadbirkorlik: Ayollar biznes tashabbuslari va loyihalarini qo‘llab-quvvatlash;
🔹 Kompleks ko‘mak: Ehtiyojmandlarga ijtimoiy-iqtisodiy, tibbiy, psixologik va huquqiy yordam ko‘rsatish.
Mas’ullarga "Ayollar daftari"dagi har bir fuqaro muammosiga individual yondashish va manzilli ko‘mak berish bo‘yicha aniq topshiriqlar berildi.