Taxiatoshda millatlararo totuvlikka bag‘ishlangan bayram tadbiri bo‘lib o‘tdi
2026-03-12 14:35:00 / Yangiliklar
Tadbirda quyidagi faxriy mehmonlar ishtirok etishdi va so‘zga chiqishdi:
🔹 M. Zikirova — Respublika Ma’naviyat va ma’rifat markazi mas’ul xodimi;
🔹 T. Atamuratov — Qoraqalpog‘iston Respublikasi Ma’naviyat va ma’rifat markazi rahbari;
🔹 G. Xalmuratov — “Nuroniy” jamg‘armasi Qoraqalpog‘iston Respublikasi bo‘limi boshlig‘ining o‘rinbosari;
🔹 Z. Tadjixajaeva — Qoraqalpog‘iston Respublikasi “Milliy tiklanish” demokratik partiyasi rahbari;
🔹 A. Ersaidov — “Nuroniy” jamg‘armasi Taxiatosh tumani bo‘limi raisi.
Tadbir tafsilotlari:
So‘zga chiqqanlar yurtimizda 130 dan ortiq millat va elat vakillari bir oila bo‘lib, tinch-totuv yashayotgani, yoshlar o‘rtasida o‘zaro hurmat va bag‘rikenglik madaniyatini yuksaltirish davlatimiz siyosatining ustuvor yo‘nalishlaridan biri ekanligini alohida ta'kidladilar.
Bayram dasturida tuman ta’lim muassasalari va mahalla faollari tomonidan o‘zbek, qoraqalpoq, qozoq, turkman hamda rus millatlarining o‘ziga xos go‘zal urf-odat va an’analari sahnada namoyish etildi. Bu esa yig‘ilganlarga chinakam do‘stlik bayrami shukuhini ulashdi.
🎁 Yakunda faol ishtirokchilarga tuman hokimligining Faxriy yorliqlari hamda O‘zbekiston ta’lim va fan xodimlari kasaba uyushmasi tuman bo‘limining esdalik sovg‘alari topshirildi. Shuningdek, mehmonlar harbiy qism kutubxonasi bilan yaqindan tanishdilar.