Taxiatoshda aliment to‘lashdan bosh tortgan shaxs 3 oyga ozodlikdan mahrum etildi.
2026-03-11 09:55:00 / Yangiliklar
Qonunbuzarlik va sud ishi xronologiyasi:
Ma’muriy chora: Qarzdor K.G. dastlab 15 685 560 so‘m miqdoridagi aliment to‘lovlarini amalga oshirmaganligi sababli, unga nisbatan ma’muriy bayonnoma rasmiylashtirilib, Jinoyat ishlari bo‘yicha Xo‘jayli tumani sudining qarori bilan ma’muriy javobgarlikka tortilgan.
Qarz miqdorining o‘sishi: Ma’muriy jazo qo‘llanilganidan so‘ng ham qarzdor tegishli xulosa chiqarmasdan, to‘lovlarni amalga oshirishdan bila turib bosh tortishda davom etgan va uning qarzdorligi 23 million so‘mdan oshib ketgan.
Jinoiy javobgarlik: Holat bo‘yicha shu yilning 2-fevral kuni Jinoyat ishlari bo‘yicha Taxiatosh tuman sudining ochiq sud majlisi bo‘lib o‘tdi.
Sud hukmi:
Sud qaroriga ko‘ra, qarzdor O‘zbekiston Respublikasi Jinoyat kodeksining 122-moddasida nazarda tutilgan jinoyatni sodir etgan deb topilib, unga nisbatan 3 oy muddatga ozodlikdan mahrum qilish jazosi tayinlandi.