“Naymanko‘l” yoshlari va tuman rahbariyati o‘rtasida yuzma-yuz muloqot bo‘lib o‘tdi
2026-03-05 14:05:00 / Yangiliklar
"Yoshlar kuni" bayrami doirasida “Naymanko‘l” ovul fuqarolar yig‘inida hudud yoshlari va tuman rahbariyati ishtirokida "Rahbar va yoshlar" formatidagi uchrashuv o‘tkazildi. Mazkur ochiq muloqotda Taxiatosh tumani hokimi I. Sdikov, tuman prokurori A.Kipshakbaev hamda tuman IIB boshlig‘i Sh. Ismoilovlar qatnashdi.
Erkin va samimiy ruhda kechgan suhbat davomida yigit-qizlarning yangi g‘oyalari, takliflari hamda ularni qiynayotgan masalalar tinglandi. Yoshlarga mas’ul etib biriktirilgan mutasaddilar ishtirokida har bir murojaat chuqur tahlil qilinib, muammolarni bartaraf etish yuzasidan aniq chora-tadbirlar ishlab chiqildi.
Umuman olganda, ushbu uchrashuv hudud yoshlarining intilishlarini ro‘yobga chiqarish, bandligiga ko‘maklashish va murojaatlariga shu joyning o‘zida tezkor yechim topishda muhim ahamiyat kasb etdi.