Xalq deputatlari Taxiatosh tumani Kengashining 20-sessiyasi bo‘lib o‘tdi.
2026-02-27 17:35:00 / Yangiliklar
Sessiya kun tartibida tuman ijtimoiy-iqtisodiy hayotiga daxldor bo‘lgan quyidagi muhim masalalar ko‘rib chiqildi va qizg‘in muhokama qilindi:
🔹 Tuman 2026-yil mahalliy byudjetining erkin qoldiq mablag‘lari hisobidan mablag‘ ajratish;
🔹 2026-yil uchun tumanda “Alkogol mahsulotlari”ni realizatsiya qilish huquqi hamda umumiy ovqatlanish korxonalari tomonidan uni realizatsiya qilish uchun yig‘imlarning cheklangan stavkalarini oshirish masalasi;
🔹 O‘zbekiston Respublikasi Prezidentining 2026-yil 5-fevraldagi “2026-yilda hududlarni yangicha yondashuvlar asosida rivojlantirish orqali aholi daromadini oshirish, barqaror ish o‘rinlarini yaratish hamda kambag‘allikni qisqartirish chora-tadbirlari to‘g‘risida”gi PQ-49-sonli qarori ijrosini tashkil etish;
🔹 Vazirlar Mahkamasining 2024-yil 11-oktyabrdagi 665-sonli qaroriga muvofiq, tuman obodonlashtirish boshqarmasi tasarrufidagi ichki yo‘llarni saqlash va joriy ta’mirlash ishlari bo‘yicha 2026-yil uchun dastlabki manzilli ro‘yxatni tasdiqlash.
Kun tartibidagi barcha masalalar yuzasidan xalq deputatlari tomonidan tegishli qarorlar qabul qilindi.