Qoraqalpog`iston Rеspublikаsi Taxiatosh tumani hokimligi

Unda nuroniylarni kambag‘al oilalarga biriktirish ishlarini 3 bosqich asosida tashkil etish hamda belgilangan vazifalarni samarali amalga oshirish masalalari muhokama qilindi.

Majlisda “Nuroniy” jamg‘armasi tuman bo‘limi raisi A. Ersaidov, “Inson” ijtimoiy xizmatlari markazi Taxiatosh tumani bo‘limi boshlig‘i R. Xidirbayev, Kambag‘allikni qisqartirish va bandlikka ko‘maklashish markazi tuman bo‘limi boshlig‘i o‘rinbosari M. Djangabayev, Respublika Ma’naviyat va ma’rifat markazi Taxiatosh tumani bo‘linmasi rahbari M. Djumamuratova hamda faol nuroniylar ishtirok etdilar.

Yig‘ilish davomida faol nuroniylarni kambag‘al oilalarga biriktirish, ularning oilaviy sharoitlarini yaxshilash, uy-joy atroflarini tozalash va obodonlashtirish, tomorqalardan unumli foydalanish bo‘yicha targ‘ibot-tashviqot ishlarini kuchaytirish zarurligi ta’kidlandi.

Shuningdek, mahalla “yettiligi” bilan hamkorlikda to‘y va oilaviy marosimlarni dabdabasiz o‘tkazish, jinoyatchilikning barvaqt oldini olish, ijtimoiy tazyiqlarning oldini olish hamda erta nikoh holatlariga yo‘l qo‘ymaslik bo‘yicha uchrashuv va davra suhbatlarini muntazam tashkil etish masalalari ko‘rib chiqildi.

Majlis yakunida keng jamoatchilik o‘rtasida ma’naviy-ma’rifiy targ‘ibot ishlarini yanada kuchaytirishda faol nuroniylarning ishtirokini ta’minlash muhim vazifa etib belgilandi.