‼️Ko‘p kvartirali uylarni boshqarish sohasida xizmat sifati, moliyaviy shaffoflik va davlat nazoratini kuchaytirishga qaratilgan muhim qaror qabul qilindi.
2026-02-16 11:30:00 / Yangiliklar
📌Qarorning asosiy maqsadlari:
🔹 markazlashgan issiqlik tarmoqlariga ulangan 1 032 ta ko‘p kvartirali uyda energiya samaradorligini oshirish;
🔹 majburiy to‘lovlar va umumiy mol-mulkni ijaraga berishdan tushadigan mablag‘larni to‘liq shaffof tizimga o‘tkazish orqali debitor qarzdorlikni kamida 80 foizga qisqartirish;
🔹 davlat budjeti va xalqaro moliya institutlari mablag‘lari hisobidan og‘ir holatdagi 10 mingta ko‘p kvartirali uyni bosqichma-bosqich yaxshilash;
🔹 ko‘p kvartirali uylarni boshqarish jarayonlarini to‘liq raqamlashtirish.
📌Ta’mirlash va rekonstruksiya ishlarini moliyalashtirish
🔸 2026–2030 yillarda xalqaro moliya institutlarining 200 mln AQSH dollari hisobidan energiya samaradorligini oshirishga qaratilgan loyihalar amalga oshiriladi;
🔸 2026–2027 yillarda respublika budjetidan 1 trln so‘m ajratilib, uylar hamda ularga tutash hududlarda infratuzilma obyektlari quriladi va rekonstruksiya qilinadi;
🔸 2026-yilda 1991-yilgacha qurilgan uylar uchun elektron pasportlar ishlab chiqiladi.
📌Raqamlashtirish va to‘lovlarda to‘liq shaffoflik
🔹 2026-yil 1-iyuldan Toshkent shahrida, 2027-yildan esa respublika bo‘ylab:
▫️ umumiy yig‘ilishlar o‘tkazish;
▫️ boshqaruvchi organini tanlash;
▫️ hisobotlar taqdim etish;
▫️ murojaatlarni qabul qilish faqat “Mening uyim” billing tizimi orqali amalga oshiriladi.
Shuningdek,
🔹 har bir ko‘p kvartirali uy uchun alohida bank hisob raqami ochiladi;
🔹 majburiy to‘lovlar faqat bank kartalari va elektron to‘lov tizimlari orqali qabul qilinadi;
🔹 umumiy mol-mulkni ijaraga berishdan tushgan barcha daromadlar uy mulkdorlarining hisob raqamiga yo‘naltiriladi.
📌Yangi talablar va nazorat choralari
🔹 yangi quriladigan uylarda videokuzatuv kameralari va domofonlar o‘rnatish majburiy bo‘ladi;
🔹 o‘zboshimchalik bilan qurilish va rekonstruksiya holatlarini aniqlagan boshqaruvchilarga ma’muriy jarimaning 25 foizi mukofot sifatida beriladi;
🔹 boshqaruv organlari faoliyati ustidan nazorat kuchaytirilib, “Mening uyim” tizimi orqali aholi fikri inobatga olinadi.