QASHQADARYOLIK MELIORATORLAR BIR KUNDA 10 MING TUP QALAMCHALAR O‘TQZISHDI
2024-11-21 11:35:00 / Yangiliklar
Amu-Qashqadaryo ITHB huzuridagi Meliorativ ekspeditsiya xodimlari tomonidan “Yashil makon” umummilliy loyihasi doirasida ko‘chat ekish hamda joylardagi zovurlar atroflarini obodonlashtirishga jiddiy e’tibor qaratilmoqda. Joriy yilda ular tomonidan jami 33 ming tup turli mevali va manzarali ko‘chatlar ekish rejalashtirilgan.
Ayni paytda Nishon, Mirishkor, Koson tumanlaridagi meliorativ uchastkalari mutaxassis-xodimlari tomonidan obodonlashtirish ishlari olib borilib, turli mevali va manzarali ko‘chatlar ekilmoqda.
Bugun kun davomida boshqarma ishchi-xodimlari ma’muriy binoning 5 sotix yer maydoniga jami 10 ming tup terak va tol qalamchalarini qadashdi.
Shu kungacha kollektorlar va zovurlar mintaqa muhofaza maydonlariga 16 ming 450 tup mevali va manzarali daraxt ko‘chatlari ekildi.
Eng muhimi har bir niholning parvarishi uchun javobgar shaxs belgilangan.
Amu-Qashqadaryo ITHB matbuot xizmati