9-DEKABR – XALQARO KORRUPSIYAGA QARSHI KURASHISH KUNI
2024-11-18 16:45:00 / Yangiliklar
Ushbu sana munosabati bilan mamlakatimizda o‘tkazilayotgan “Aksilkorrupsiya oyligi” doirasida Chapqirg‘oq Amudaryo irrigatsiya tizimlari havza boshqarmasi tasarrufidagi tashkilot va muassasalarda ham bir qator tadbirlar olib borilmoqda.
Xususan, joriy yilning 18-noyabr kuni Chapqirg‘oq Amudaryo ITHB huzuridagi Nasos stansiyalari va energetika boshqarmasi hamda Yangiariq tumani “Suv yetkazib berish xizmati” davlat muassasasida mutaxasis-xodimlar va jamoatchilik vakillari ishtirokida korrupsiyaviy xavf-xatarlarning oldini olish, manfaatlar to‘qnashuviga yo‘l qo‘ymaslik to‘g‘risida suhbatlar o‘tkazildi.
Tadbirda hozirgi kunda korrupsiyaga qarshi kurashish mamlakatimizda jamiyat va davlatning birlamchi umumiy maqsadiga aylanganligi, shu bois xalqaro korrupsiyaga qarshi kurashish kunini nishonlash yurtimiz taraqqiyoti uchun muhim qadamlarni ifodalaydigan kun hisoblanishi atroflicha tushuntirildi.
Chapqirg‘oq Amudaryo ITHB matbuot xizmati
