KELAJAK TOMCHILATIB SUG‘ORISHDA
2024-09-17 14:15:00 / Yangiliklar
Suv resurslaridan oqilona foydalanish mintaqamizda, jumladan, respublikamizning barqaror iqtisodiy taraqqiyotida hal qiluvchi masalalardan biriga aylandi, desak aslo mubolag‘a bo‘lmaydi. Mazkur masala suv resurslarining tanqisligi kuzatilayotgan sharoitda muhim ahamiyat kasb etmoqda. Sug‘orma dehqonchilikda suv resurslarini tejashning yo‘llaridan biri – tejamkor sug‘orish texnologiyalarini joriy qilishdir. Bu borada qabul qilingan qator farmon va qarorlar ijrosini ta’minlash maqsadida esa Farg‘ona viloyatida tizimli ishlar amalga oshirilmoqda.
Xususan, Quva tumanidagi “Olimjon Turg‘unov” fermer xo‘jaligida ham takroriy ekinlardan bo‘shagan 15 gektar maydonga g‘alla ekilib, tomizgichli shlanglar orqali sug‘orish amalga oshirilmoqda.
Fermer O.Turg‘unovning ta’kidlashicha, ushbu usulni sinab ko‘rish orqali g‘alla maydonlaridan 100 sentnerdan oshirib xirmon ko‘tarishdir. Hozirda tomizgichli shlanglardan foydalanishga qo‘shni fermerlar ham katta qiziqish bildirayotir.
Sirdaryo-So‘x ITHB matbuot xizmati