JIZZAXLIK FAXRIY SUVCHILAR SAMARQAND SHAHRIGA SAYOHATGA BORISHDI
2024-09-16 09:30:00 / Yangiliklar
Sirdaryo-Zarafshon irrigatsiya tizimlari havza boshqarmasi rahbariyati tashabbusi bilan Jizzax viloyatidagi suv xo‘jaligi tashkilotlarida faoliyat ko‘rsatayotgan bir guruh xodimlar, jumladan, hozirda nafaqada bo‘lsada yoshlarga o‘z bilim va tajribalarini o‘rgatib kelayotgan faxriylar ko‘hna va hamisha navqiron Samarqand shahriga sayohat qilishdi.
Voha faxriy suvchilari Samarqandning butun dunyoga mashhur Registon maydoni, Amir Temur maqbarasi, Shohi Zinda kabi tarixiy obidalarini ziyorat qilishdi.
O‘zbekistonning Birinchi Prezidenti Islom Karimov dafn etilgan qadamjoda duolar o‘qildi.
Ziyorat ishtirokchilari kun davomida “sayqali zamin”ning tarixiy obidalari va zamonaviy inshootlarini tomosha qilib, bir olam taassurotlar bilan Jizzaxga qaytishdi.
Sirdaryo-Zarafshon ITHB matbuot xizmati