Seminarda viloyat hokimining o‘rinbosari J.To‘rayev, Hisob palatasi mas'ul xodimi B. Dushayev, viloyat adliya boshqarmasi boshlig‘i A.Isoqov hamda Adliya vazirligi mas'ul xodimi  S.Allamurodov Prezidentimizning “Davlat organlari va tashkilotlarda ijro intizomini yanada mustahkamlashning qo‘shimcha chora-tadbirlari to‘g‘risida”gi Farmoni mazmun-mohiyatini tushuntirdi.

Tadbir davomida 2025- yilning birinchi yarim yilligida Prezident topshiriqlarining ijrosini ta’minlashda yo‘l qo‘yilgan kamchiliklar tahlil qilindi.

Ushbu tahlillar asosida ikkinchi yarim yillikda ijro intizomini yanada yaxshilash, vazifalarini o‘z vaqtida va sifatli bajarish bo‘yicha aniq takliflar ishlab chiqildi.

Mavzular yuzasidan savol-javoblar va amaliy misollar asosida muhokamalar olib borildi. Bu esa ishtirokchilarning bilim va ko‘nikmalarini yanada mustahkamlashga xizmat qildi.