Surxondaryo viloyatida turizm salohiyatini oshirish maqsadida "Sangardak" turistik markazi barpo etilmoqda. Umumiy qiymati 913,3 mlrd so‘m bo‘lgan ushbu loyiha 615 gektar maydonni qamrab oladi.
2025-06-09 08:30:00 / Yangiliklar
Markazda:
▫️21 ta restoran, kafe va barlar;
▫️296 ta savdo nuqtasi;
▫️Mehmonxonalar 4 ta 3 yulduzli, 2 ta 5 yulduzli;
▫️10 ta mehmon uylari;
▫️Sanatoriy, madaniy hordiq maskani;
▫️1,6 km dor yo‘li, "zip layn" va piknik hududlari quriladi.
🔧 Qurilish ishlari jadal sur’atda davom etmoqda. Dor yo‘lining boshlanish nuqtasi, tirgaklarni betonlash ishlari yakunlangan.
Bugun viloyat hokimi Ulug‘bek Qosimov "Sangardak" turizm majmuasi va "Nilu" mahallasini turizm qishlog‘iga aylantirish loyihalari ijrosi bilan tanishdi. Loyihalar xalqaro talablar asosida, sifatli va samarali amalga oshirilishi ta’kidlandi.
Xususan, "Sangardak" turizm markazi loyihasini amalga oshiruvchilar – "Turon" bank, turizm sohasi mutasaddilari hamda tashabbuskor tadbirkorlar loyihalarning amalga oshirilishi yuzasidan axborot berdi.
Turizm markazi va turizm qishlog‘i tashkil etish loyihalarini amalga oshirish, hududdagi infratuzilmani yaxshilash yuzasidan kelgusidagi vazifalar belgilandi.