Surxondaryo viloyatida yoshlar uchun yangi imkoniyat: “Startap klublari” tashkil etildi!
2026-07-24 14:00:00 / Yangiliklar
Salohiyatli yoshlarni innovatsion faoliyatga keng jalb etish, ularning startap g‘oyalarini qo‘llab-quvvatlash, ishlab chiqarish korxonalari bilan kooperatsiya aloqalarini rivojlantirish hamda istiqbolli loyihalarni amaliyotga joriy etish maqsadida Surxondaryo viloyatida 7 ta “Startap klubi” tashkil etildi.
"Startap klublari" faoliyati doirasida innovatsion g‘oyalarni shakllantirish va rivojlantirish, mentorlik tizimini joriy etish, ishlab chiqarish korxonalari bilan hamkorlikni mustahkamlash, pitching sessiyalari, startap tanlovlari va xakatonlarni tashkil etish, istiqbolli loyihalarni moliyalashtirish mexanizmlarini ishlab chiqish hamda ularni amaliyotga joriy etish bo‘yicha tizimli ishlar olib boriladi.
📌 Surxondaryo viloyatida tashkil etilgan "Startap klublari":
1️⃣ Termiz davlat universiteti
2️⃣ Termiz yoshlar texnoparki
3️⃣ Denov tadbirkorlik va pedagogika instituti
4️⃣ Termiz davlat pedagogika instituti
5️⃣ Termiz iqtisodiyot va servis universiteti
6️⃣ Termiz muhandislik va agrotexnologiyalar universiteti
7️⃣ Toshkent tibbiyot universiteti Termiz filiali
Mazkur klublar hududda innovatsion ekotizimni rivojlantirish, yoshlarning ilmiy-innovatsion salohiyatini ro‘yobga chiqarish hamda ilm-fan va ishlab chiqarish integratsiyasini yanada mustahkamlashga xizmat qiladi.