Sanoat va transport-logistika sohalaridagi istiqbolli loyihalar muhokama qilindi
2026-06-14 13:00:00 / Yangiliklar
Bugun viloyat hokimi Ulug‘bek Qosimov Xitoy Xalq Respublikasining "China Railway Construction Corporation Limited" kompaniyasi delegatsiyasini ham qabul qildi.
Kompaniyaning Markaziy Osiyo bo‘yicha vakili Ersen Silambiyeke boshchiligidagi delegatsiya bilan uchrashuvda zamonaviy qishloq xo‘jaligi texnikalari ishlab chiqarishni yo‘lga qo‘yish, shuningdek, yo‘l-transport va logistika sohalaridagi hamkorlik istiqbollari muhokama qilindi.
Muloqot chog‘ida loyihalarning iqtisodiy samaradorligi, investitsiyaviy jozibadorligi hamda hududning sanoat va logistika salohiyatini oshirishdagi ahamiyati yuzasidan fikr almashildi.
Yakunda tashabbuslar bo‘yicha texnik-iqtisodiy hisob-kitoblarni tayyorlash, amaliy hamkorlik mexanizmlarini ishlab chiqish va muzokaralarni davom ettirishga kelishib olindi.