"Salomatlik marafoni – 2026" aholi salomatligini mustahkamlashga xizmat qilmoqda
2026-06-02 13:00:00 / Yangiliklar
Surxondaryo viloyatida o‘tkazilayotgan "Salomatlik marafoni – 2026" doirasida aholi uchun ommaviy sport tadbirlari bilan bir qatorda bepul tibbiy ko‘riklar ham tashkil etilmoqda.
Mazkur tibbiy ko‘riklar orqali fuqarolar o‘z salomatlik holatini tekshirtirish, kasalliklarni erta bosqichda aniqlash hamda malakali mutaxassislardan tibbiy maslahat olish imkoniyatiga ega bo‘lmoqda.
Mutaxassislarning ta’kidlashicha, ko‘plab kasalliklar dastlabki bosqichlarda yaqqol belgilarsiz kechishi mumkin. Shu sababli muntazam tibbiy ko‘riklardan o‘tish inson salomatligini asrashda muhim ahamiyat kasb etadi.
Marofon davomida ishtirokchilarga sog‘lom turmush tarzi, to‘g‘ri ovqatlanish, jismoniy faollik va kasalliklarning oldini olish bo‘yicha amaliy tavsiyalar ham berilmoqda.
Ayni paytda "Salomatlik marafoni – 2026" viloyatning turli hududlaridan kelgan yurtdoshlarimizni keng qamrab olib, aholi o‘rtasida sog‘lom hayot tarzini targ‘ib qilishda muhim maydonga aylanmoqda.
Sog‘lom hayot — farovon jamiyat poydevori.