🏅 "Sport bilan baxtli hayot sari!" — ayollar sport olimpiadasining viloyat bosqichi yuqori saviyada o‘tkazildi
2026-05-07 23:00:00 / Yangiliklar
Termiz shahrida xotin-qizlar o‘rtasida "Sport bilan baxtli hayot sari!" shiori ostida sport musobaqalarining viloyat bosqichi tashkil etildi.
Mazkur tadbirning asosiy maqsadi — mahallalarda istiqomat qiluvchi xotin-qizlarni sportga keng jalb etish, sog‘lom turmush tarzini targ‘ib qilish hamda ularning jismoniy faolligini oshirishdan iborat bo‘ldi.
Musobaqalarda viloyatning shahar va tumanlaridan tashrif buyurgan xotin-qizlar jamoalari faol ishtirok etib, sportning bir qator yo‘nalishlari bo‘yicha o‘zaro bellashdilar.
Dastur doirasida yengil atletika, stol tennisi hamda shaxmat-shashka sport turlari bo‘yicha qizg‘in bahslar bo‘lib o‘tdi.
Musobaqalar davomida ishtirokchilar nafaqat o‘z sport mahoratini namoyon etdilar, balki jamoaviylik, do‘stlik va sog‘lom raqobat muhitini yanada mustahkamlashga munosib hissa qo‘shdilar.
Tadbir yakunida g‘olib va sovrindorlar diplom, medal hamda esdalik sovg‘alari bilan taqdirlandi.