Xalq deputatlari Surxondaryo viloyati Kengashining yigirma birinchi sessiyasi bo‘lib o‘tdi.
2026-04-28 17:00:00 / Yangiliklar
Bugun viloyat hokimligi katta majlislar zalida hududlardan saylangan Oliy Majlis senati a’zolari, deputatlar, tashkilot va boshqarmalar boshliqlari ishtirokida Xalq deputatlari Surxondaryo viloyati Kengashining yigirma birinchi sessiyasi bo‘lib o‘tdi.
Kun tartibida deputatlar tomonidan 13 ta masala ko‘rib chiqilishi belgilangan bo‘lib, dastlab, O‘zbekiston Respublikasi Oliy Majlisi Inson huquqlari bo‘yicha vakili (ombudsman)ning Surxondaryo viloyati mintaqaviy vakili tomonidan 2025-yil davomida fuqarolarni huquqlari, erkinliklari va qonuniy manfaatlarini himoya qilish borasida amalga oshirilgan ishlari yuzasidan Mintaqaviy vakil A.Artikovning ma’ruzasi eshitildi.
Deputatlar kun tartibiga kiritilgan masalalar yuzasidan mas’ullarning hisobot va axborotlarini tinglab, har bir masala yuzasidan tegishli savollariga javob olishdi hamda qarorlar qabul qildi.
Sessiya ishi "Surxondaryo" teleradiokompaniyasi orqali to‘g‘ridan to‘g‘ri namoyish etildi.