Situatsion markaz va xalqaro universitet qurilishi jarayonlari o‘rganildi
2026-02-16 15:20:00 / Yangiliklar
Prezidentimiz topshiriqlari asosida soha va tarmoqlarni raqamlashtirish, yashirin iqtisodiyotga qarshi kurashish hamda jamoat xavfsizligini ta’minlash borasida izchil ishlar amalga oshirilmoqda.
Viloyat hududida bozorlarni raqamlashtirish, kuzatuv kameralarini yagona markazga integratsiya qilish orqali jinoyatchilik va huquqbuzarliklarning oldini olish maqsadida Termiz shahrilv zamonaviy situatsion markaz barpo etilmoqda.
Bugun viloyat hokimi Ulug‘bek Qosimov mazkur loyiha doirasida amalga oshirilayotgan ishlar bilan tanishdi. Mas’ullar tomonidan markazni ilg‘or axborot-kommunikatsiya texnologiyalari bilan jihozlash, jamoat xavfsizligini ta’minlash va yashirin iqtisodiyotga qarshi kurashish samaradorligini oshirishga qaratilgan chora-tadbirlar yuzasidan axborot berildi.
Shuningdek, shaharda barpo etilayotgan O‘zbekiston–Yaponiya texnologiyalar universiteti binolari qurilishi ham ko‘zdan kechirildi. Loyiha doirasida xalqaro universitet, professional ta’lim markazi va zamonaviy maktabni o‘z ichiga olgan yaxlit ta’lim majmuasini tashkil etish rejalashtirilgan.
Viloyat rahbari qurilish ishlarini belgilangan muddatlarda, tasdiqlangan loyiha hujjatlari asosida va yuqori sifat bilan amalga oshirish, shuningdek ish sur’atlarini yanada jadallashtirish bo‘yicha mas’ullarga aniq topshiriqlar berdi.