Beshta mahallada vazifalar ijrosi o‘rganildi
2026-02-10 10:45:00 / Yangiliklar
"Taraqqiyot va yetakchilik maskani" dasturi doirasida Termiz tumanidagi beshta mahallada olib borilayotgan bunyodkorlik ishlari ijrosi o‘rganildi.
Surxondaryo viloyati hokimi Ulug‘bek Qosimov mahallalarda amalga oshirilayotgan ishlar holati bilan bevosita tanishib, M-41 xalqaro avtomagistrali bo‘ylab shaharsozlik qiyofasini yaxshilash ishlarining borishini ko‘zdan kechirdi.
O‘rganishlar davomida "Yangi O‘zbekiston qiyofasidagi mahalla" konsepsiyasi asosida aholi turar joylari, muhandislik-kommunikatsiya tarmoqlari va infratuzilmani modernizatsiya qilish bo‘yicha belgilangan vazifalar ijrosi ko‘rsatib o‘tildi. Shuningdek, yo‘l bo‘ylab bo‘sh maydonlar hamda aholi turar joylari atrofida daraxt, buta va gul ko‘chatlari ekish ishlarining borishi yuzasidan mas’ullar tomonidan axborot berildi.
Ishlarni yanada takomillashtirish, namunaviy yechimlarni keng joriy etish bo‘yicha qo‘shimcha vazifalar va tegishli tavsiyalar berildi.