Termiz tumanidagi "Texno Park" va yoshlar sanoat zonasida amalga oshirilayotgan loyihalar ijrosi o‘rganildi
2026-02-05 19:05:00 / Yangiliklar
Surxondaryo viloyatida yirik turar-joy massivlaridan biriga aylanayotgan Termiz tumanidagi "Yangi O‘zbekiston" massiviga tutash hududda tadbirkorlikni rivojlantirish, yangi ish o‘rinlari yaratish hamda kelgusida ushbu massivga ko‘chib keluvchi aholi bandligini ta’minlash maqsadida "Texno Park" va yoshlar sanoat zonasi kabi loyihalar amalga oshirilmoqda.
Bugun viloyat hokimi Ulug‘bek Qosimov mazkur loyihalar ijrosini joyida o‘rgandi. Xususan, har ikki maydonda tadbirkorlik loyihalarini joylashtirish, tadbirkorlarni qo‘llab-quvvatlash bo‘yicha amalga oshirilayotgan ishlar yuzasidan mas’ul tashkilotlar, jumladan, Markaziy bank va tijorat banklari rahbarlarining axborotlari tinglandi.
Shuningdek, yoshlar sanoat zonasida qurilish ishlarini belgilangan muddatlarda yakunlash, loyihalarni manzilli va tizimli joylashtirish hamda hududni muhandislik-kommunikatsiya tarmoqlari bilan barqaror ta’minlash masalalari yuzasidan mas’ullarga vazifalar belgilab berildi.