UzA | Mahalliy ishlab chiqarishni rivojlantirayotgan tadbirkor
2026-01-05 18:50:00 / Yangiliklar
Surxondaryo viloyati Qumqo‘rg‘on tumanidagi mebel ishlab chiqarishga ixtisoslashgan “Joziba mebel” xususiy korxonasi hududdagi yirik ishlab chiqarish sub’ektlaridan. Ayni paytda korxonada 40 nafar kishi mehnat qilmoqda.
Korxonada uy va ofislar uchun mo‘ljallangan turli xil mebel ishlab chiqarilib, mahalliy bozor bilan bir qatorda qo‘shni hududlarga ham yetkazib berilmoqda. Korxonaning 2024 yil yakunidagi aylanma mablag‘i 8 milliard so‘mni tashkil etgani uning barqaror rivojlanayotganidan dalolat beradi.