Denovda yangi savdo majmuasi faoliyati bilan tanishildi
2025-12-30 22:45:00 / Yangiliklar
Bugun Surxondaryo viloyati hokimi Ulug‘bek Qosimov Denov tumaniga tashrifi doirasida "Sharq City Mall" savdo majmuasi faoliyati, xaridorlar uchun yaratilgan zamonaviy sharoitlar hamda mahsulotlar narx-navolari bilan tanishdi.
Savdo majmuasida Yangi yil bayrami munosabati bilan aholi uchun zarur bo‘lgan oziq-ovqat mahsulotlari va bayram dasturxoniga mo‘ljallangan boshqa mahsulotlar chegirmali narxlarda sotuvga chiqarilgan.
Tanishuv jarayonida viloyat rahbari sotuvchi va xaridorlar bilan suhbatlashib, ularni kirib kelayotgan bayram bilan qutladi hamda yaratilgan sharoitlar va narx-navolar bo‘yicha fikr-mulohazalarini tingladi.
Shuningdek, viloyat hokimi yangi tayinlangan tuman rahbariga Denov tumanini ijtimoiy-iqtisodiy jihatdan rivojlantirish, aholi turmush farovonligini oshirish hamda fuqarolarning hayotdan rozi bo‘lib yashashi uchun barcha zarur chora-tadbirlarni amalga oshirish bo‘yicha tegishli vazifalarni belgilab berdi. Jumladan, Yangi yil bayrami munosabati bilan tashkil etilgan yarmarkalar faoliyatini yanada jadallashtirish, ularda zarur mahsulotlarning yetarli miqdorda sotilishini ta’minlash vazifalari topshirildi.