Birlashgan Arab Amirliklarining Abu-Dabi shahrida Xalqaro ot sporti federatsiyasining (FEI) navbatdagi Bosh assambleyasi bo‘lib o‘tdi.
2024-11-14 10:00:00 / Yangiliklar
Joriy yilning 10-14-noyabr kunlari Birlashgan Arab Amirliklarining Abu-Dabi shahrida Xalqaro ot sporti federatsiyasining (FEI) navbatdagi Bosh assambleyasi bo‘lib o‘tdi.
Tadbir davomida Bosh assambleya kun tartibiga kiritilgan bir qator masalalar muhokama qilindi.Umumiy yig‘ilishda O‘zbekiston yilqichilik va ot sporti federatsiyasi raisi Gaziev Baxromjon Valiyevich ham ishtirok etib, tadbir davomida bir qator milliy federatsiyalar rahbarlari bilan norasmiy uchrashuvlar o‘tkazdi va kelgusidagi tadbirlarda hamkorlik bo‘yicha kelishuvlarga erishdi.
Bosh Assambleyaning 2-kunida Xalqaro ot sporti federatsiyasi prezidenti Ingmar De Vos so‘zga chiqib, 21-27-oktabr kunlari O‘zbekistonda bo‘lib o‘tgan “FEI Jumping World Challenge” final musobaqalari yuqori saviyada tashkil etilganligi uchun O‘zbekiston yilqichilik va ot sporti federatsiyasiga o‘z minnatdorchiligini bildirdi.
Bundan tashqari, O‘zbekiston yilqichilik va ot sporti federatsiyasi raisi Baxromjon Gaziyev Xalqaro ot sporti federatsiyasi prezidenti Ingmar De Vos va federatsiya Bosh kotibi Sabrina Ibanez bilan uchrashib, O‘zbekistonda xalqaro sport tadbirlarini o‘tkazish masalalarini muhokama qildi.