Farg'ona viloyati So'x tumani hokimligi

So‘x tumani hokimi maslahatchisi Buzurgmehr Sultonaliyev, “Camelot” o‘quv markazi rahbari Zafarjon Djalalov hamda IT-mentor Hokimjon Nimatjonov ishtirokida uchrashuv bo‘lib o‘tdi.

Muloqot davomida tumanda zamonaviy kasblarni ommalashtirish, yoshlarni axborot texnologiyalari sohasiga keng jalb etish, shuningdek, dasturlash, grafik dizayn va internet-marketing yo‘nalishlarida sifatli o‘quv kurslarini tashkil etish masalalari atroflicha muhokama qilindi.

Uchrashuv yakunida “Camelot” o‘quv markazi bazasida mazkur yo‘nalishlar bo‘yicha zamonaviy IT-kurslarini yo‘lga qo‘yish, malakali mutaxassislarni jalb etish hamda yoshlarning raqamli ko‘nikmalarini oshirishga qaratilgan aniq chora-tadbirlar belgilab olindi.

Ushbu tashabbus tumanda yoshlarni zamonaviy kasblarga o‘rgatish, ularning bandligini ta’minlash va raqamli iqtisodiyot uchun raqobatbardosh kadrlar tayyorlashga xizmat qiladi.

So‘x tumani hokimligi Axborot xizmati