📚 So'x tumanida direktor o'rinbosarlari uchun o'quv-seminar treningi tashkil etildi
2026-06-23 18:00:00 / Yangiliklar
Farg'ona viloyati So'x tumani maktabgacha va maktab ta'limi bo'limi tasarrufidagi 5-sonli davlat maktabgacha ta'lim tashkilotida direktor o'rinbosarlari uchun 3 kunlik o'quv-seminar treningi o'tkazilmoqda.
Seminar davomida ishtirokchilarga yangi tahrirdagi "Ilk qadam" milliy o'quv dasturidagi o'zgarishlar, dasturga kiritilgan yangi qo'shimchalar hamda ularni amaliyotga tatbiq etish masalalari yuzasidan ma'lumotlar berilmoqda.
Mashg'ulotlar savol-javoblar va bahs-munozaralar ruhida o'tib, ishtirokchilarning bilim va ko'nikmalarini yanada mustahkamlashga xizmat qilmoqda.
Seminar doirasida mentor Gulchehra Aminova tomonidan dars mashg'ulotlari olib borilib, dasturning mazmun-mohiyati va yangiliklari keng yoritildi.
O'quv-seminar treningi uch kun davom etadi.
So'x tumani hokimligi Axborot xizmati