Farg'ona viloyati So'x tumani hokimligi

So‘x tumanida jamoat xavfsizligini ta’minlash, huquqbuzarliklarning oldini olish hamda aholi osoyishtaligini mustahkamlashga qaratilgan ishlar izchil amalga oshirilmoqda.

Tuman IIB huzuridagi Qo‘riqlash xizmati xodimlari tomonidan “Xavfsiz va sog‘lom yurt” tadbirlari doirasida mahallalar, savdo shoxobchalari hamda aholi gavjum hududlarda fuqarolar bilan ochiq muloqotlar va targ‘ibot ishlari olib borilmoqda.

Tadbirlar davomida fuqarolarga shaxsiy va mol-mulk xavfsizligini ta’minlash, xonadonlar hamda tadbirkorlik subyektlarini texnik qo‘riqqa topshirish, shuningdek, signalizatsiya va videokuzatuv tizimlaridan samarali foydalanish orqali xavfsizlikni yanada kuchaytirish bo‘yicha tushuntirishlar berilmoqda.

Shu bilan birga, aholining murojaatlari tinglanib, xavfsizlikni ta’minlashga oid taklif va mulohazalar o‘rganilmoqda.

Mazkur profilaktik tadbirlar tumanda tinchlik va osoyishtalikni saqlash, jinoyatchilikning oldini olish hamda aholi bilan hamkorlikni yanada mustahkamlashga xizmat qilmoqda.

So‘x tumani hokimligi Axborot xizmati