Bugun ushbu yo‘nalishdagi navbatdagi sayyor qabul So‘x tumani hokimi o‘rinbosari Ilhomjon Abdumajidov ishtirokida Devayron mahallasida tashkil etildi.
17-sonli umumiy o‘rta ta’lim maktabida o‘tkazilgan sayyor qabulda tuman ichki ishlar bo‘limi boshlig‘i Qosimjon Rahimberdiev, tuman davlat soliq inspeksiyasi boshlig‘i Rashidjon Mamajonov, tuman prokurori Sadirali Mirzokarimov, shuningdek, tuman korxona va tashkilotlari, davlat muassasalari hamda tegishli idoralar mutasaddilari ishtirok etdilar.
Tadbir davomida mahalla aholisining murojaatlari tinglanib, ularni hal etish yuzasidan mas’ullarga tegishli topshiriqlar berildi.
Fuqarolar tomonidan asosan ichimlik va sug‘orish suvi ta’minoti, elektr energiyasi bilan bog‘liq muammolar, yoshlarni ish bilan ta’minlash, tadbirkorlik va turizmni rivojlantirish uchun qulay shart-sharoitlar yaratish masalalari yuzasidan murojaatlar bildirildi.
Murojaatlarning ayrimlari joyida hal etilgan bo‘lsa, qo‘shimcha o‘rganish talab etadigan masalalar ijrosi mutasaddi tashkilotlar nazoratiga olindi.
Sayyor qabullar aholi bilan ochiq muloqotni ta’minlash, hududlarda mavjud muammolarni tizimli hal etish hamda fuqarolarning davlat idoralariga bo‘lgan ishonchini mustahkamlashda muhim ahamiyat kasb etmoqda.
So‘x tumani hokimligi Axborot xizmati