Farg'ona viloyati So'x tumani hokimligi

Uchrashuv davomida hokim yordamchilarining mahallalarda olib borayotgan ishlari tanqidiy-tahliliy ruhda ko‘rib chiqildi. Jumladan, kambag‘allikni qisqartirish, yangi ish o‘rinlarini yaratish, fuqarolarni kredit mablag‘lari orqali qo‘llab-quvvatlash hamda bandlikni ta’minlash borasida amalga oshirilayotgan ishlar yetarli darajada emasligi qayd etildi.

Shuningdek, ayrim ko‘rsatkichlari past bo‘lgan hokim yordamchilari faoliyati yuzasidan qonunchilik doirasida tegishli choralar ko‘rish masalasi ko‘rib chiqilishi, shu bilan birga faol va samarali ish tajribasiga ega mutaxassislarning tajribalarini ommalashtirish bo‘yicha kelishuvga erishildi.

Mazkur yo‘nalishda ishlar samaradorligini oshirish, aholi bandligini ta’minlash va ijtimoiy-iqtisodiy holatni yaxshilash bo‘yicha aniq vazifalar belgilab olindi.

So‘x tumani hokimligi Axborot xizmati