So‘x tumanida jamoat xavfsizligini ta’minlash borasidagi tadbirlar izchil davom ettirilmoqda

2026-05-06 17:00:00 / Yangiliklar

So‘x tumanida jamoat xavfsizligini ta’minlash, huquqbuzarliklarning barvaqt oldini olish hamda hududda osoyishtalikni mustahkamlashga qaratilgan profilaktik ishlar izchil davom ettirilmoqda. Xususan, tuman IIB huzuridagi qo‘riqlash bo‘limi xodimlari tomonidan «Xavfsiz va sog‘lom yurt» tadbirlari doirasida mahallalar, savdo shoxobchalari va aholi gavjum maskanlarda keng qamrovli targ‘ibot ishlari olib borilmoqda.

Mazkur tadbirlar davomida fuqarolarga shaxsiy va mol-mulk xavfsizligini ta’minlashning zamonaviy usullari, jumladan, xonadonlar va tadbirkorlik obyektlarini texnik qo‘riqlov pultiga topshirishning afzalliklari yuzasidan batafsil tushuntirishlar berilmoqda. Shuningdek, videokuzatuv va signalizatsiya tizimlaridan samarali foydalanish jinoyatchilikning oldini olishda muhim omil ekanligi ta’kidlanib, aholining bu boradagi taklif va mulohazalari o‘rganilmoqda.

Bu kabi profilaktik tadbirlar nafaqat jinoyatchilikka qarshi kurashish, balki aholi bilan yaqin hamkorlikni yo‘lga qo‘yish hamda tuman hududida barqaror va xavfsiz muhitni saqlashga xizmat qilmoqda.

📢 So‘x tumani hokimligi Axborot xizmati

xabarlar Korrupsiyaga qarshi kurash Xalqaro hamkorlik

Oxirgi yangilanish: 2026-05-17 17:46:13

Farg'ona viloyati So'x tumani hokimligi

Ishonch telefoni

Ishonch telefoni