Soʻx tumanida “Yong‘in xavfsizligi oyligi” doirasida profilaktik reydlar oʻtkazilmoqda
2025-12-06 10:10:00 / Yangiliklar
1-dekabrdan 30-dekabrgacha respublikamiz miqyosida oʻtkazilayotgan “Yong‘in xavfsizligi oyligi” doirasida Soʻx tumani Favqulodda vaziyatlar boʻlimi xodimlari hamda tuman hududidagi hamkorlikdagi xizmatlar ishtirokida keng qamrovli profilaktik reyd tadbirlari oʻtkazilmoqda.
Mazkur tadbirlarning asosiy maqsadi — yong‘in xavfsizligi qoidalariga qatʼiy rioya etilishini taʼminlash, mavjud kamchiliklarni oʻz vaqtida aniqlash va ularni bartaraf etishga koʻmaklashishdir. Reydlar davomida mahalliy aholi vakillariga yong‘inlarning oldini olish boʻyicha amaliy tavsiyalar berildi hamda yong‘in sodir boʻlganda toʻg‘ri harakat qilish boʻyicha tushuntirishlar oʻtkazildi.
Shuningdek, mо‘rikorlarga oʻrnatilgan qoʻshimcha moslamalar olib tashlandi, elektr simlari, isitish jihozlari va suyultirilgan gaz ballonlarini saqlash tartibiga eʼtibor qaratildi. Bu tadbirlar aholi oʻrtasida xavfsizlik madaniyatini oshirish va ehtimoliy favqulodda holatlarning oldini olishga xizmat qiladi.
Soʻx tumani Favqulodda vaziyatlar boʻlimi qaydicha, shunday reydlar “Yong‘in xavfsizligi oyligi” davomida tuman hududining boshqa nuqtalarida ham muntazam davom ettiriladi.
Soʻx tumani hokimligi Axborot xizmati