Bosh vazir o‘rinbosari Zulayho Mahkamova Sho‘rchi tumanidagi Oila va xotin qizlar maskani faoliyati bilan tanishdi
2025-09-22 19:45:00 / Yangiliklar
Sho‘rchi tumanining “Oqkamar” mahallasida tashkil etilgan Oila va xotin-qizlar maskani oilalarni mustahkamlash, xotin-qizlarni har tomonlama qo‘llab-quvvatlash, kasbga yo‘naltirish, ularning huquq va manfaatlarini himoya qilish uchun xizmat qilmoqda.
O‘zbekiston Respublikasi Bosh vazir o‘rinbosari, Oila va xotin-qizlar qo‘mitasi raisi Zulayho Mahkamova ushbu Oila va xotin-qizlar maskani faoliyati bilan yaqindan tanishdi. Shuningdek, xotin-qizlarning bandligini ta’minlash, ularni kasb-hunarga o‘qitish va tadbirkorlik tashabbuslarini qo‘llab-quvvatlash bo‘yicha amalga oshirilayotgan ishlarni ko‘zdan kechirdi.
Yangi hayotga qadam qo‘yib, oila qurishni maqsad qilgan yoshlar bilan uchrashib, oilada ayol va erkakning roli, burch va majburiyatlari, oila farovonligi uchun er-xotin birdek mas’ulligi, kelgusida farzand tarbiyasida ota-onaning o‘rni haqida o‘z fikr mulohazalarini bildirdi.