Bolalar va yoshlar uchun do‘stona mahalliy boshqaruvda ijobiy o‘zgarishlarga erishish uchun xalqaro memorandum imzolandi.
2025-04-12 14:55:00 / Yangiliklar
Bolalar va yoshlar uchun do‘stona mahalliy boshqaruvda ijobiy o‘zgarishlarga erishish uchun xalqaro memorandum imzolandi.
BMT Bolalar jamg‘armasi, BMT Taraqqiyot dasturi, “Yuksalish” harakati va Shveysariya taraqqiyot va hamkorlik agentligi birgalikda “O‘zbekistonda bolalar va yoshlar uchun qulay mahalliy boshqaruvni inklyuziv transformatsiyalash” nomli BMTning qo‘shma dasturini ishga tushirdi.
Ushbu tadbirda Sho‘rchi tumani hokimi Akbarali Ishmurzoyev ham ishtirok etdi. Tadbir davomida “Bolalar va yoshlar uchun do‘stona mahalliy boshqaruv” tashabbusining tajribasiga tayangan holda amalga oshirilishi hamda ijtimoiy xizmatlarni taqdim etishda yoshlarning ishtiroki, ijobiy natijalarga erishish, jumladan, yo‘l harakati xavfsizligi, ekologik tashabbuslar va nogironligi bo‘lgan yoshlarga xizmat ko‘rsatishni yaxshilash borasida xalqaro memorandum imzolandi.
Ushbu xalqaro memorandum Sho‘rchi tumanida turli xil ijtimoiy-iqtisodiy sharoitlarni va mahalliy xizmat ko‘rsatishni yaxshilashga xizmat qiladi.