“Ilm va ayol: barqaror jamiyat sari” mavzusida seminar o‘tkazildi
2026-02-13 16:20:00 / Yangiliklar
Sho‘rchi tumanida “Ilm va ayol: barqaror jamiyat sari” mavzusida ma’naviy-ma’rifiy seminar tashkil etildi.
Seminardan ko‘zlangan asosiy maqsad — xotin-qizlarning ilm-fanga bo‘lgan qiziqishini qo‘llab-quvvatlash, ularning jamiyat taraqqiyotidagi o‘rni va rolini yanada mustahkamlash, barqaror rivojlanish jarayonlarida faol ishtirokini ta’minlashdan iborat bo‘ldi.
Tadbir davomida so‘zga chiqqanlar ilmli ayol — jamiyat tayanchi ekanini, oiladagi tarbiya va ma’naviy muhitning shakllanishida ona bilimi hal qiluvchi ahamiyat kasb etishini ta’kidladilar. Shuningdek, yurtimizda xotin-qizlarning ta’lim olishi, kasb-hunar egallashi va ilmiy faoliyat bilan shug‘ullanishi uchun yaratilayotgan imkoniyatlar haqida atroflicha fikr yuritildi.
Mutaxassislar tomonidan qizlar o‘rtasida zamonaviy kasblarga qiziqishni oshirish, innovasion g‘oyalarni qo‘llab-quvvatlash hamda ularni tadbirkorlikka jalb etish masalalari muhokama qilindi. Savol-javoblarga va sahna ko‘rinishlarga boy bo‘lgan seminar ishtirokchilarda katta taassurot qoldirdi.
Tadbir yakunida faol ishtirok etgan xotin-qizlarga tashakkurnomalar topshirildi va kelgusida ham bu kabi ma’rifiy uchrashuvlarni muntazam tashkil etish bo‘yicha kelishib olindi.
“Ilm va ayol: barqaror jamiyat sari” mavzusidagi mazkur seminar xotin-qizlarning ilm-ma’rifatga bo‘lgan intilishini qo‘llab-quvvatlash, ularning jamiyatdagi faolligini oshirish yo‘lidagi muhim qadamlardan biri bo‘ldi.