Shomanay jasları menen ashıq sáwbet
2025-07-17 09:20:00 / Yangiliklar
2025-jıl 16-iyul kúni Shomanay rayonı Mádeniyat orayı imaratında rayonımız jasları hám joqarı oqıw orınlarınıń juwapker wákilleriniń qatnasıwında ashıq sóylesiw tárizinde ushırasıw shólkemlestirildi.
Ushırasıwdı rayon hákiminiń orınbasarı A.Bekmuratov kiris sóz benen ashıp berdi. Ol óz sózinde jaslardıń bilim alıwı, kásip-óner iyelewi, zamanagóy kónlikpelerge iye bolıwı hám bántligin támiyinlew búgingi kúnniń tiykarǵı baǵdarlarınan biri ekenligin ayrıqsha atap ótti.
Ushırasıw dawamında joqarı bilimlendiriw mákemeleriniń wákilleri jaslar ushın bar grant baǵdarlamaları, kiriw imtixanları, studentler ushın jaratılǵan sharayatlar, bilimlendiriw baǵdarları hám olardı tańlawdaǵı ayrıqsha tárepleri boyınsha tolıq maǵlıwmat berdi.
Sonday-aq, qatnasıwshılar ózlerin qızıqtırǵan sorawlar menen múrájat etti. Olardıń arasında shet tilin úyreniw imkaniyatları, onlayn bilimlendiriw platformalarınan paydalanıw, sonday-aq, keleshekte jumısqa jaylasıw máseleleri dodalandı.
Ilaj juwmaǵında jaslar óz pikir-usınısların bildirip, bunday ushırasıwlar olardıń keleshektegi rejeleri hám tańlawların anıq belgilewde úlken orın iyeleytuǵınlıǵın atap ótti.