Shomanay rayonında "Basshı hám jaslar" ushırasıwı bolıp ótti
2025-06-17 13:30:00 / Yangiliklar
Búgin, Shomanay rayonı "Ketenler" awıl puqaralar jıyını imaratında jaslar arasında ashıq pikirlesiwdi qáliplestiriw maqsetinde ushırasıw shólkemlestirildi. Tiykarǵı maqset - jaslardı qıynap atırǵan mashqalalardı úyreniw, olardıń usınıs hám ideyaların tıńlaw, sonday-aq, Prezidentimiz tárepinen ilgeri súrilgen "Jaslar siyasatı" sheńberindegi wazıypalardı ámelge asırıwdan ibarat edi.
Ushırasıwda Shomanay rayonı hákimi A.Ametov, rayon prokurorı M.Matchanov, rayonlıq Salıq inspekciyasınıń baslıǵı S.Karimov, sonday-aq, rayon kólemindegi mákeme hám shólkem basshıları qatnastı.
Ushırasıw dawamında jaslar tárepinen bántlik, isbilermenlik, jer máselesi hám sportqa baylanıslı bir qatar usınıslar hám mashqalalar bildirildi. Basshılar hárbir múrájat boyınsha anıq juwaplar berip, ayırım máselelerdi ornında sheshiw ilajların kórdi.
Ushırasıw sońında jaslar menen erkin pikirlesiw ornatıldı. Olar óz pikir hám usınısların ashıq-aydın bildiriw imkaniyatına iye boldı.