Aholi daromadlarini oshirish va kambag‘allikni qisqartirish borasida amalga oshirilgan ishlar muhokama qilindi
2026-09-04 16:30:00 / Yangiliklar
Bugun, 2026-yil 4-sentabr kuni Shumanay tumanida O‘zbekiston Respublikasi Prezidentining 2026-yil 5-fevraldagi PQ-49-sonli qarori ijrosi doirasida aholi daromadlarini oshirish, doimiy ish o‘rinlarini yaratish va kambag‘allikni qisqartirish bo‘yicha amalga oshirilgan ishlar yuzasidan matbuot anjumani tashkil etildi.
Unda tuman Kambag‘allikni qisqartirish va bandlikka ko‘maklashish bo‘limi boshlig‘i A.Galyakberov, ommaviy axborot vositalari vakillari, xalq deputatlari Shumanay tuman Kengashi deputatlari, mahallalardagi hokim yordamchilari va tegishli soha mutaxassislari ishtirok etdi. Matbuot anjumanida qaror doirasida aholi bandligini ta’minlash, yangi va barqaror daromad manbalarini yaratish, tadbirkorlik tashabbuslarini qo‘llab-quvvatlash hamda mahallalarda kambag‘allikni qisqartirish borasida olib borilayotgan ishlar haqida ma’lumotlar berildi.
Shuningdek, amalga oshirilayotgan loyihalar va ularning amaliy natijalari yuzasidan jurnalistlarning savollariga mutasaddilar tomonidan batafsil javoblar berildi.