Shumanay tumanida olib borilayotgan qurilish ishlari ommaviy axborot vositalari vakillarining e’tiborida
2026-06-09 15:35:00 / Yangiliklar
Bugun, Shumanay tumani hokimligi Axborot xizmati tashabbusi bilan tumanda qurilish sohasida amalga oshirilayotgan keng ko‘lamli ishlari va erishilayotgan ijobiy natijalarni ommaviy axborot vositalari va jamoatchilikka yaqindan tanishtirish maqsadida media-tur tashkil etildi.
Bugun, Shumanay tumani hokimligi Axborot xizmati tashabbusi bilan tumanda qurilish sohasida amalga oshirilayotgan keng ko‘lamli ishlari va erishilayotgan ijobiy natijalarni ommaviy axborot vositalari va jamoatchilikka yaqindan tanishtirish maqsadida media-tur tashkil etildi.
Media-turda tuman hokimining o‘rinbosari A.Mambetjanov, ommaviy axborot vositalari vakillari va blogerlar ishtirok etdi.
Dastlab, press-tur ishtirokchilari
O‘zbekiston Respublikasi Prezidentining 2025 yil 27 dekabrdagi "2026-2028 yillarda O‘zbekiston Respublikasining ijtimoiy infratuzilmasini rivojlantirish chora-tadbirlari to‘g‘risida"gi PQ-393-sonli qaroriga asosan, "Oqjap" ovul fuqarolar yig‘ini hududida qurilayotgan 90 o‘rinli maktabgacha ta’lim tashkilotining qurilish maydonida bo‘lib, amalga oshirilayotgan ishlar bilan yaqindan tanishdi. Ushbu obyekt bo‘yicha loyiha-smeta hujjatlari ishlab chiqilgan bo‘lib, umumiy loyiha qiymati 5 milliard 858,6 million so‘mni tashkil etadi. Hozirgi kunda "PERSPEKTIVA MONTAJ NUKUS" mas’uliyati cheklangan jamiyati tomonidan tashqi pardozlash, elektromontaj va bino tomini yopish ishlari olib borilmoqda.
Shundan so‘ng media-tur ishtirokchilari "Birleshik" ovul fuqarolar yig‘ini hududida joylashgan 27-sonli umumta’lim maktabining yangi binosi qurilish ishlari bilan tanishdi. Ushbu loyiha O‘zbekiston Respublikasi Prezidentining 2025 yil 14 avgustdagi "Qoraqalpog‘iston Respublikasini ijtimoiy-iqtisodiy rivojlantirishga qaratilgan chora-tadbirlarni yanada jadallashtirish to‘g‘risida"gi PQ-248-sonli qarori asosida amalga oshirilmoqda va umumiy loyiha qiymati 6 milliard 969,1 million so‘mni tashkil etib, bugungi kunda "REAL-ENGINEER" mas’uliyati cheklangan jamiyati tomonidan poydevor quyish ishlari davom etmoqda.
Media-tur davomida ommaviy axborot vositalari vakillari va blogerlar qurilish jarayonlari, bajarilayotgan ishlar sifati va istiqboldagi rejalar haqida batafsil ma’lumotlarga ega bo‘ldi. Bunday tadbirlar jamoatchilikni hududda amalga oshirilayotgan bunyodkorlik ishlari bilan xolis va tezkor tanishtirish, shuningdek, axborotning ochiq-oshkoraligini ta’minlashga xizmat qiladi.