Soliq bilimlari - yosh avlodga" tanlovining Qoraqalpog‘iston Respublikasi bosqichi yuqori saviyada tashkil etildi
2026-03-18 10:00:00 / Yangiliklar
Nukus shahrida o‘tkazilgan "Soliq bilimlari - yosh avlodga" tanlovining Qoraqalpog‘iston Respublikasi bosqichi yuqori saviyada tashkil etildi. Mazkur tanlovda Shumanay tumanining o‘quvchi yoshlari ham faol ishtirok etib, o‘z bilim va iqtidorlarini namoyish etdi.
O‘quvchilar tasviriy, insholar tanlovi va videoroliklar orqali soliqning jamiyat taraqqiyotidagi beqiyos o‘rni, davlat byudjetining shakllanish jarayoni va fuqaro mas’uliyati haqidagi o‘z qarashlarini mazmunli va ta’sirchan tarzda ifoda etdi.
Quvonarlisi, ushbu tanlovda tumanimiz yoshlari ham yuqori natijalarga erishdi. Jumladan, 21-maktabning 9-sinf o‘quvchisi Juzbaeva Alvina "Eng yaxshi insho" yo‘nalishida faxrli 2-o‘rinni, 7-sinf o‘quvchisi To‘lepova Durdona esa "Eng yaxshi rasm" yo‘nalishida faxrli 3-o‘rinni egalladi.
G‘olib yoshlarni ushbu yutuqlari bilan samimiy tabriklaymiz va kelgusida ularga ulkan zafarlar tilaymiz!