I. Hududiy boʻlinma mablagʻlarining taqsimoti va ijrosi yoʻnalishida:

 

Oʻzbekiston Respublikasi Prezidentining 2024-yil 26-avgustdagi “Fuqarolik jamiyati institutlarini davlat tomonidan qoʻllab-quvvatlash tizimini yanada takomillashtirish chora-tadbir toʻgʻrisida”gi 124-sonli Farmoni hamda Buxoro viloyati Kengashi (dekabr oyida) tomonidan 2025-yil uchun mahalliy byudjetni tasdiqlash toʻgʻrisidagi qabul qilingan qaroriga asosan Oliy Majlis huzuridagi Fuqarolik jamiyati institutlarini qoʻllab-quvvatlash jamoat fondining Buxoro viloyati boʻlinmasiga jami 5 067, 967 mln. soʻm mablagʻ ajratilgan.

 

Oliy Majlis huzuridagi Fuqarolik jamiyati institutlarini qoʻllab-quvvatlash jamoat fondi mablagʻlarini boshqarish boʻyicha Parlament komissiyasining 2025-yil 24-fevraldagi 01-10/6-sonli qarori bilan ajratilgan mablagʻlar fuqarolik jamiyati institutlarini davlat subsidiyasi, davlat ijtimoiy buyurtmasi va davlat granti shaklida koʻllab-quvvatlash va hududiy boʻlinmaning maʼmuriy xarajatlari uchun taqsimlangan.

 

Jumladan,

1. Davlat subsidiyasi uchun jami 3217,09 mln. soʻm.
 

- Oʻzbekiston Nogironlar jamiyati hududiy boʻlimlariga – 1075,06 mln. soʻm;
 

- Oʻzbekiston Koʻzi ojizlar jamiyati hududiy boʻlimlariga – 1826,3 mln. soʻm;
 

- Oʻzbekiston Karlar jamiyati hududiy boʻlimlariga – 124,8 mln. soʻm;
 

- Oʻzbekiston Nogironlar assotsiatsiyasi hududiy boʻlimlariga – 190,93 mln. soʻm.

 

Joriy yilning 1-oktyabr holatiga davlat subsidiyasi shaklida mahalliy byudjetdan ajratilgan mablagʻlarning 2301,4 mln. soʻm 28 ta fuqarolik jamiyati institutlariga ajratib berilgan.

 

2. Davlat ijtimoiy buyurtmasi uchun jami 0 mln. soʻm ajratilgan.

 

3. Davlat granti uchun jami 1353,87 mln. soʻm ajratilgan. 

 

Parlament komissiyasining 2025-yil 30-apreldagi 01-10/17-sonli qaroriga asosan 2025-yil uchun boʻlinma tomonidan elektron platforma orqali hududdagi ijtimoiy muammolarni hal etishga fuqarolik jamiyati institutlarini jalb etish mavzusida grant tanlovi eʼlon qilindi. Mazkur tanlovlar jami 6 ta yoʻnalishini qamrab olgan boʻlib, ushbu grant tanlovi uchun 440,0 mln. soʻm ajratilgan. 6 ta yoʻnalish uchun jami 40 ta ariza qabul qilingan.

 

4. Hududiy boʻlinmaning joriy xarajatlari uchun 497,0 mln. soʻm ajratilgan.
 

 

II. “Oʻzbekiston – 2030” strategiyasini “Atrof-muhitni asrash va yashil iqtisodiyot” yilida amalga oshirish boʻyicha davlat dasturi doirasida:
 

 

– Davlat granti tanlovi yoʻnalishlarini ishlab chiqish maqsadida joylarda saqlanib qolayotgan muammolarni oʻrganish maqsadida Oliy Majlis huzuridagi jamoat fondi mablagʻlarini boshqarish boʻyicha Parlament komissiyasi raisi, Jamoat fondi direktori hamda mahalliy kengash deputatlaridan iborat ishchi guruh bilan birgalikda barcha hududlarda oʻrganish ishlari olib borildi.

 

– Oʻzbekiston Respublikasi Prezidentining 2024-yil 26-avgustdagi “Fuqarolik jamiyati institutlarini davlat tomonidan qoʻllab-quvvatlash tizimini yanada takomillashtirish chora-tadbir toʻgʻrisida”gi 124-sonli Farmonining mazmun mohiyatini targʻib qilish boʻyicha Buxoro viloyatidagi fuqarolik jamiyati institutlari ishtirokida  32 ta seminarlar va davra suhbatlari oʻtkazildi.

 

– Buxoro viloyati boʻlinmasi tomonidan “Bir million” daraxt aksiyasi doirasida 78  taga yaqin mevali va manzarali daraxt koʻchatlari ekildi.

 

– Oliy Majlis huzuridagi Fuqarolik jamiyati institutlarini qoʻllab-quvvatlash jamoat fondi bilan birgalikda hududdagi fuqarolik jamiyati institutlari bilan ochiq muloqot tadbirlari tashkil etildi.

 

“Buxoro viloyati  boʻlinmasi tomonidan 2025-yil 1-oktyabrga  qadar 6 ta “Fuqarolik jamiyati institutlari” qabuli tashkil etildi. Qabulda 35 ta NNT ishtirok etdi va 105 nafar ishtirokchilar qamrab olindi. Haftalik qabul haftaning 1- kuniga  oʻtqazilib kelinmoqda tashkilotlar bilan  qabul jarayoni samaradorligini oshirish maqsadida qatnashuvchilarning fikr mulohazalarini yigʻish kelgusi tanlovlarda takliflarni berishga  xizmat qildi.

 

Shuningdek qabulda  fuqarolik jamiyati institutlarini davlat tomonidan qoʻllab-quvvatlash, davlat va jamiyat hayotida ularining faolligini yanada oshirish, ijtimoiy muammolar yechimiga qaratilgan tashabbus va loyihalarni amalga oshirish kabi masalalar yuzasidan fikr almashildi. Davlat granti va ijtimoiy buyurtmalarni ajratish bilan bogʻliq barcha jarayonlar shaffofligini taʼminlashga qaratilgan ngo.gov.uz  yagona elektron  platformasi  imkoniyatlari haqida jamoat fondi mutaxassislari maʼlumot berdi.

 

II. Ijtimoiy sheriklik va jamoatchilik nazoratini amalga oshirish yoʻnalishida:
 

 

–  Buxoro viloyatida  10 ta jamoatchilik nazorati tadbirlarida ijtimoiy binolarda nogironligi boʻlgan fuqarolar uchun panduslar, bino eshiklarning ostonalari va ulardagi hojatxonalar eshiklari, shuningdek aeroportda, banklarda va temir yoʻl vokzali va avtovokzallardagi kassalar nogironligi boʻlgan shaxslar uchun moslashtirildi. Koʻzi ojiz fuqarolar uchun taktil yoʻlakchalar oʻrnatilishiga erishildi.

 

– Buxoro  viloyati boʻlinmasi va Adliya boshqarmasi bilan hamkorlikda moliyaviy va huquqiy yoʻnalishda 5 ta seminarlar tashkil qilindi. 
 

 

IV. Jamoatchilik bilan aloqalar va OAV bilan ishlash yoʻnalishida:
 

 

Boʻlinma faoliyati, sohada amalga oshirilayotgan ishlar hamda loyihalar natijalarini OAV va ijtimoiy tarmoq sahifalarida targʻib qilishga eʼtibor qaratilmoqda.

 

2025 yilda Davlat granti, Davlat ijtimoiy buyurtmasi tanlovlarini eʼlon qilish uchun joriy yilning 4 mart kuni Buxoroda Oʻzbekiston Respublikasi Prezidentining “Fuqarolik jamiyati institutlarini davlat tomonidan qoʻllab-quvvatlash tizimini yanada takomillashtirish chora-tadbirlari toʻgʻrisida”gi farmonining mazmun-mohiyatini keng jamoatchilikka yetkazish maqsadida davra suhbati boʻlib oʻtdi.Unda viloyat Kengashi deputatlari, Oliy Majlis huzuridagi Fuqarolik jamiyati institutlarini qoʻllab-quvvatlash jamoat fondi Buxoro viloyati xodimlari, viloyatdagi nodavlat notijorat tashkilotlari rahbarlari hamda ommaviy axborot vositalari vakillari qatnashdi. 26-27-mart kunlari viloyatimiz hududida Oliy Majlis huzuridagi Fuqarolik jamiyati institutlarini qoʻllab-quvvatlash jamoat fondi boʻlim boshligʻi Zuhro Ibragimova Oliy Majlis Qonunchilik Palatasi deputati, Parlament komissiyasi aʼzosi Madina Baratova hamda mahalliy kengash deputatlaridan iborat ishchi guruh viloyatining Buxoro, Kogon shaharlari  Buxoro, Kogon Shofirkon, Qorovulbozor,  Vobkent   tumanlaridagi jami 12 ta mahallalarda oʻrganish ishlari olib borildi. Oʻrganishlar jarayonida aholi uchun maʼnaviy muhit yaratish, daromadini oshirish, toza ichimlik suvi va tomorqa uchun oqova suv bilan taʼminlash hamda oʻz yechimini kutayotgan ijtimoiy ahamiyatga ega 150 ta ortiq muammolarga, va boshqa masalalarga eʼtibor qaratilmoqda.Ushbu muammolarning manzilli va samarali yechimiga qaratilgan grant tanlovlar eʼlon qilinishi rejalashtirilgan. Hamda davlat subsidiyalarni manzilli aniq muammolarni bartaraf qilish uchun yoʻnaltirish rejalashtirilgan.

 

Mamlakatimizda Davlat rahbari tashabbusi bilan “Yashil makon” umummilliy loyihasi doirasida Buxoro viloyatida ham koʻplab xayrli tadbirlar oʻtkazilmoqda. 

 

Oliy Majlis huzuridagi Fuqarolik jamiyati institutlarini qoʻllab-quvvatlash jamoat fondi tashabbusi bilan Buxoro shahridagi NNT va doʻstlik uyida “Yashil makon” umummilliy loyihasi doirasida koʻchat ekish tadbiri oʻtkazildi.   

Unda viloyat Kengashi deputatlari, NNT va viloyatdagi milliy madaniy markazlari rahbarlari hamda ommaviy axborot vositalari vakillari qatnashdi.

   

Ishtirokchilar tadbir doirasida NNT va doʻstlik uyi oldidagi bogʻda mevali va manzarali daraxt koʻchatlari ekdi.  

 

Soha mutaxassislari yigʻilganlarga yagona elektron platformadan foydalanish boʻyicha tavsiyalarini berib oʻtdi.    

 

Taʼkidlandiki, mazkur hujjat fuqarolik jamiyati institutlarining davlat va jamiyat boshqaruvidagi bevosita ishtiroki uchun yangi imkoniyatlar va ijtimoiy sheriklik institutini rivojlantirish boʻyicha tashkiliy-huquqiy sharoitlar yaratib, davlat organlari faoliyati ustidan jamoatchilik nazorati taʼsirchanligini oshirishga xizmat qiladi.

 

Muloqot tarzida oʻtgan tadbir yakunida farmonning mazmun-mohiyatini keng jamoatchilikka yetkazish va uning ijrosini samarali taʼminlanishida davlat organlari hamda nodavlat notijorat tashkilotlarining hamkorligini faol yoʻlga qoʻyish masalalari boʻyicha takliflar bildirildi.

 

Shuningdek, yigʻilishda Oliy Majlis huzuridagi Fuqarolik jamiyati institutlarini qoʻllab-quvvatlash jamoat fondi Buxoro viloyati boʻlinmasi, viloyatdagi Milliy madaniy markazlar, viloyat Kar va soqovlar, viloyat Koʻzi ojizlar, viloyat Nogironlar jamiyati, hamda viloyat Nogironlar Assotsiatsiyasi tomonidan 1-chorakda amalga oshirilgan ishlar muhokama qilindi va tegishli qarorlar qabul qilindi.

 

Joriy yilning 8-aprel kuni  Buxoroda Oliy Majlis huzuridagi Fuqarolik jamiyati institutlarini qoʻllab-quvvatlash jamoat fondi viloyat boʻlinmasi tomonidan Oʻzbekiston Respublikasi Prezidentining “Fuqarolik jamiyati institutlarini davlat tomonidan qoʻllab-quvvatlash tizimini yanada takomillashtirish chora-tadbirlari toʻgʻrisida”gi farmoni mazmun-mohiyatini tushuntirish boʻyicha oʻquv-seminar tashkil etildi. Unda Oliy Majlis Senati aʼzosi, shahar kengashi deputatlari, viloyat, shahar Mahallalar uyushmasi masʼullari, viloyatdagi NNTlar, Buxoro shahridagi mahalla fuqarolar yigʻini raislari va ommaviy axborot vositalari vakillari qatnashdi. Seminarda fuqarolik jamiyati institutlarini davlat tomonidan qoʻllab-quvvatlash, davlat va jamiyat hayotida ularining faolligini yanada oshirish, ijtimoiy muammolar yechimiga qaratilgan tashabbus va loyihalarni amalga oshirish kabi masalalar yuzasidan fikr almashildi. ZOOM platformasi orqali oʻtgan oʻquv-seminarida davlat granti va ijtimoiy buyurtmalarni ajratish bilan bogʻliq barcha jarayonlar shaffofligini taʼminlashga qaratilgan ngo.gov.uz elektron platformasi imkoniyatlari haqida Oliy Majlis huzuridagi Fuqarolik jamiyati institutlarini qoʻllab-quvvatlash jamoat fondi mutaxassislari maʼlumot berdi.Quyidagi yoʻnalishlar buyicha maʼlumotlar berildi. Fuqorolik jamiyati institutlarini  faolligini oshirish,hamda ijtimoiy iqtisodiy madaniy maʼnaviy va gumanitar sohalarni rivojlantirishda ularning salohiyatidan toʻlaqonli foydalanish, aholining haqiqiy ehtiyojlarini koʻzlagan joylarda saqlanib qolayotgan dolzarb muammolarni hal etishga qaratilgan tashabbuslarni ruyobga chiqarishga koʻmaklashish.Davlat organlari va fuqorolik jamiyati institutlari oʻrtasida oʻzaro manfaatli ijtimoiy sheriklikni yanada rivojlantirish. Soha mutaxassislari yigʻilganlarga yagona elektron platformadan foydalanish boʻyicha tavsiyalarini berib oʻtdi.    

 

Taʼkidlandiki, mazkur hujjat fuqarolik jamiyati institutlarining davlat va jamiyat boshqaruvidagi bevosita ishtiroki uchun yangi imkoniyatlar va ijtimoiy sheriklik institutini rivojlantirish boʻyicha tashkiliy-huquqiy sharoitlar yaratib, davlat organlari faoliyati ustidan jamoatchilik nazorati taʼsirchanligini oshirishga xizmat qiladi.Muloqot tarzida oʻtgan tadbir yakunida farmonning mazmun-mohiyatini keng jamoatchilikka yetkazish va uning ijrosini samarali taʼminlanishida davlat organlari hamda nodavlat notijorat tashkilotlarining hamkorligini faol yoʻlga qoʻyish masalalari boʻyicha takliflar bildirildi. Shuningdek, yigʻilishda Oliy Majlis huzuridagi Fuqarolik jamiyati institutlarini qoʻllab-quvvatlash jamoat fondi Buxoro viloyati boʻlinmasi, viloyatdagi Milliy madaniy markazlar, viloyat Kar va soqovlar, viloyat Koʻzi ojizlar, viloyat Nogironlar jamiyati, hamda viloyat Nogironlar Assotsiatsiyasi tomonidan 2-chorakda amalga oshirilgan ishlar muhokama qilindi va tegishli qarorlar qabul qilindi.

 

16-aprel kuni OʻzKOJ  Buxoro viloyat boʻlimi raisi J Raxmatov, hisobchisi S.Saidov va OʻzKOJ Peshku boʻlinmasi raisasi Sh.Sharipovalar bilan birgalikda Peshku tuman boʻlinmasi 2024-yil  oktyabr oyida Oliy Majlis  huzuridagi Fuqarolik jamiyati institutlarini qoʻllab-quvvatlash jamoat fondining Buxoro viloyati boʻlinmasi tomonidan eʼlon kilingan grant tanlovida “Ijtimoiy tenglik sari” loyihasi bilan qatnashib 58 450 000 ming soʻmlik Grant loyixasini amalga oshirilgan ishlar yuzasidan yigʻilish boʻldi. 2024-yil 01-noyabrdan boshlab buyruq asosida ishchi xodimlar loyiha doirasida faoliyatinini boshlagan. Tumandagi 10 nafar 35 yoshgacha boʻlgan ijtimoiy ahvoli ogʻir jamiyat aʼzolari tanlab olinib 1 oy davomida xaftasiga 5 kun oʻkuv kurslari tashkil qilingan. Loyixa davomida 4 nafar davolanishga ehtiyojman xotin-kizlar sixatgohlarda sogʻligini tiklagan. 15 nafar xotin-kizlar sayoxatga olib boriladi. Grant loyixasi mablagʻlari kuyidagicha sarflangan.  Ish xaqi xarajatlari 10 250 000  soʻm Tadbirlar oʻtkazish uchun 15 000 000 soʻm Moddiy texnik bazani mustaxkamlash uchun 10 500 000 soʻm  Boshqa xarajatlar 749 250 soʻm hammasi boʻlib  36 499 250 soʻm mablagʻ sarflangan hozirgi kunga kelib loyiha davom etmoqda kolgan mablag 21 950 750 soʻmni tashkil qilgan. Loyiha smetasidagi Toshkent shahriga sayyoxat Samarqand viloyatiga oʻzgartirildi. Buning oʻzgarish  sababi aksariyat loyiha ishtirokchilari 1-2 gurux koʻzi ojiz nogironlarning talablari va imkoniyatlaridan kelib chiqgan holda oʻrganildi. 

22-aprel kuni Oliy Majlis huzuridagi fuqarolik jamiyati institutlarini qoʻllab-quvvatlash Jamoat fondini Buxoro viloyati boʻlinmasi  va  Oʻzbekiston “Tadbirkorlar va ishbilarmon ayollar” birlashmasi nodavlat notijorat tashkiloti raisi Mamlakat Sodiqova bilan birgalikda tadbir boʻlib oʻtdi. 

 

Bugungi kunda raqamli dunyo va ijtimoiy tarmoqlar orqali axborot tarqatish hamda shaxsiy brendni shakllantirish har qachongidan ham muhim ahamiyat kasb etmoqda. Shu nuqtayi nazardan, SMM (ijtimoiy media marketing) va mobilografiya (telefon orqali foto va video yaratish) sohalariga boʻlgan ehtiyoj tobora ortib bormoqda.

 

Oʻzbekiston “Tadbirkorlar va ishbilarmon ayollar” birlashmasi nodavlat notijorat tashkiloti raisi Mamlakat Sodiqova tashabbusi bilan amalga oshirilayotgan ishlar doirasida buxorolik xotin-qizlar aynan shu zamonaviy koʻnikmalarni oʻzlashtirmoqda.

 

Bu treninglar Oliy Majlis huzuridagi fuqarolik jamiyati institutlarini qoʻllab-quvvatlash Jamoat fondi tomonidan moliyalashtirilgan Oʻzbekiston “Tadbirkorlar va ishbilarmon ayollar” birlashmasining “Mamlakatimizda xotin-qizlar manfaati doimiy eʼtiborda!” loyihasi doirasida tashkil etilmoqda.

 

23-aprel kuni Buxoroda “Oʻzbekiston – Ozarbayjon aloqalari foto hujjatlarda” kitob-albomi”ning taqdimoti va “Oʻzbekiston va Ozarbayjon ikki qardosh xalq” mavzusidagi arxiv hujjatlari  koʻrgazmasi boʻlib oʻtdi. Tadbir Oʻzbekiston Respublikasi Adliya vazirligi huzuridagi “Oʻzarxiv” agentligi, Buxoro viloyati hokimligi, Abu Ali ibn Sino nomidagi viloyat Axborot-kutubxona markazi, Oliy Majlis huzuridagi fuqarolik jamiyati institutlarini qoʻllab-quvvatlash jamoat fondi, viloyat Ozarbayjon milliy madaniy markazi bilan hamkorlikda oʻtkazildi. 

 

Dastlab, Oʻzbekiston va Ozarbayjon  madaniyatini aks ettiruvchi sahna chiqishlar namoyish etildi. “Oʻzbekiston va Ozarbayjon ikki qardosh xalq” mavzusidagi arxiv hujjatlari koʻrgazmasida Oʻzbekiston Kinofotofono hujjatlari milliy arxivi hamda Ozarbayjon Milliy arxivi saqlovida mavjud boʻlgan 1930-2023-yillar mobaynidagi davrni oʻz ichiga olgan ikki davlatning madaniy-gumanitar munosabatlariga oid 50 dan ziyod  arxiv foto hujjatlar va ularning  ilmiy-maʼlumot tavsiflari taqdim etildi. Koʻrgazma iqtisodiyot, ilm-fan, madaniyat sohalaridagi hamkorlik, ikki xalqlarning adabiyot va sanʼat kunlari aks etgan hujjatlar tashrif buyuruvchilarda  alohida taassurot qoldirdi.

 

24-aprel kuni Buxoro shahridagi nodavlat notijorat tashkiloti va Doʻstlik uyida Oliy Majlis huzuridagi fuqarolik jamiyati institutlarini qoʻllab-quvvatlash Jamoat fondi viloyat boʻlinmasi tomonidan “Oʻzbekiston – millatlararo totuvlik va diniy bagʻrikenglik yurti” mavzusida “Ochiq eshiklar kuni” tadbiri boʻlib oʻtdi.

 

Unda viloyatdagi milliy madaniy markazi, nodavlat notijorat tashkilotlari rahbarlari hamda ommaviy axborot vositalari vakillari qatnashdi. 

 

Tadbirda Oʻzbekiston Respublikasi Prezidentining 2025-yil 19-martdagi “Oʻzbekiston Respublikasi Millatlararo munosabatlar va xorijdagi vatandoshlar masalalari boʻyicha qoʻmitasi faoliyatini samarali tashkil etish chora-tadbirlari toʻgʻrisida”gi qarorining mazmun-mohiyati tushuntirildi.

 

Unda taʼkidlanganidek, bagʻrikenglik oʻzbek xalqi maʼnaviyati va madaniyatining ajralmas qismi hisoblanadi. Yurtimizda nafaqat ijtimoiy-iqtisodiy, siyosiy sohalar, balki zaminimizda istiqomat qilib kelayotgan turli millat va elatlar oʻrtasida doʻstlik rishtalarini yanada mustahkamlash, diniy bagʻrikenglik tamoyillarini qaror toptirishga ham alohida eʼtibor qaratib kelinadi.

 

25-aprel kuni Buxoroda Oliy Majlis huzuridagi Fuqarolik jamiyati institutlarini qoʻllab-quvvatlash jamoat fondining Buxoro viloyati boʻlinmasi tomonidan joriy yilning 1-choragida amalga oshirilgan ishlar yuzasidan matbuot anjumani oʻtkazildi. Unda fond xodimlari, NNTlar va ommaviy axborot vositalari vakillari, blogerlar qatnashdi.

 

Taʼkidlanganidek, Oʻzbekiston Respublikasi Prezidentining 2021-yil 4-martdagi “2021-2025-yillarda fuqarolik jamiyatini rivojlantirish konsepsiyasini tasdiqlash toʻgʻrisida”gi farmoni hamda 2024-yil 26-avgustdagi “Fuqarolik jamiyati institutlarini davlat tomonidan qoʻllab-quvvatlash tizimini yanada takomillashtirish chora-tadbir toʻgʻrisida”gi farmoniga asosan, Oliy Majlis huzuridagi Fuqarolik jamiyati institutlarini qoʻllab-quvvatlash jamoat fondining Buxoro  viloyati boʻlinmasiga 2025-yildagi faoliyati uchun jami 5 067 967 000 soʻm pul mablagʻlari ajratildi.

 

Jamoat fondi tomonidan joriy yilning 29-aprel kuni Jondor tumani hokimligida Oʻzbekiston Respublikasi Prezidentining 2024-yil 26-avgustdani 124-sonli “Fuqarolik jamiyati institutlarini davlat tomonidan qoʻllab-quvvatlash tizimini yanada takomillashtirish chora-tadbirlari toʻgʻrisida”gi farmoni yuzasidan oʻquv-seminari oʻtkazildi. unda Xalq deputatlari viloyat va Jondor tumani kengashi deputatlari, viloyat, shahar Mahallalar uyushmasi masʼullari, NNTlar, jondor tumanidagi mahalla fuqarolar yigʻini raislari va ommaviy axborot vositalari vakillari qatnashdi. ZOOM platformasi orqali oʻtgan oʻquv-seminarida Tanlovlarni tahlil qilish, texnik baholash va muvofiqlashtirish boʻlimi (U.Xalbekova, Javohir Doʻstmurodov) xodimlari qatnashdi. Xodimlar seminar qatnashchilari savollariga javob qaytardi.shuningdek, Shuningdek, fond tomonidan eʼlon qilingan tanlovlarda “Tadbirkor ayol” Xalqaro ishbilarmon ayollar assotsiatsiyasi Jondor tumani hududiy boʻlimi “Ayol hunari-oila baxti” loyihasi 170 million soʻm, Jondor tumani “Qozikent” mahalla fuqarolar yigʻini “Mahallada yashil energiyaga oʻtish boʻyicha xabardorlikni oshirish” loyihasi 160 million soʻm, Jondor tumani “Mirzayon” mahalla fuqarolar yigʻini “Yoshlar oʻrtasida tadbirkorlik keng ommalashtirish va biznes bilan shugʻullanishga qoʻshimcha imkoniyatlarni yaratish” loyihasi bilan ishtirok etib, 60 million soʻm grant mablagʻlarini yutib olgan. Mazkur fuqarolik jamiyati institutlari olib borilgan ishlar Xalq deputatlari viloyat va Jondor tumani kengashi deputatlari va ommaviy axborot vositalari vakillari tomonidan oʻrganildi. Jarayonlar Oʻzbekiston Milliy Axborot agentligi, Istiqlol-TV, “Buxoro-TV tomonidan suratga olindi. 

 

Shuningdek,  joriy yilning 1-may kuni viloyat hokimi Botir Zaripov viloyatdagi 12 ta milliy madaniy markazi rahbarlari bilan uchrashdi. Viloyat rahbari milliy madaniy markazlari rahbarlarining  murojaatlari tinglandi. Oliy Majlis huzuridagi Jamoat fondi tomonidan ajratilgan mablagʻlar yuzasidan axborot ham berib oʻtdim. Mazkur jarayon ijtimoiy tarmoqlarda yoritildi. OAV va ijtimoiy tarmoqlarda yoritilgan barcha faoliyat, davlat ijtimoiy buyurtmasi va grantlari samaradorligini targʻib qilishga qaratilgan tadbirlar OAV va ijtimoiy tarmoqlarda yoritilayapti. Yoritilganlar Jamoat fondi Ijro etuvchi devonining matbuot kotibi (O.Norov)ga taqdim etib borilayapti.     

 

13-may kuni Buxoroda Oliy Majlis huzuridagi fuqarolik jamiyati institutlarini qoʻllab-quvvatlash jamoat fondi tashabbusi bilan “Buxoro viloyatida ijtimoiy muammolarni hal etishga fuqarolik jamiyati institutlarini jalb etish” mavzusidagi davlat granti 1-tanlovida ishtirok etish masalasiga bagʻishlangan seminar boʻlib oʻtdi. Unda fond xodimlari, mahalliy Kengash deputatlari, viloyatdagi mahalla fuqarolar yigʻini raislari, hokim yordamchilari, NNT vakillari, ommaviy axborot vositalari xodimlari hamda blogerlar qatnashdi.

 

Tadbirda Oʻzbekiston Respublikasi Prezidentining “Fuqarolik jamiyati institutlarini davlat tomonidan qoʻllab-quvvatlash tizimini yanada takomillashtirish chora-tadbirlari toʻgʻrisida”gi farmoni mazmun-mohiyati, Oliy Majlis huzuridagi Jamoat fondi tomonidan eʼlon qilingan davlat granti tanlovi, loyihalarni taqdim etish hamda ngo.gov.uz platformasi imkoniyatlari haqida tushuntirish berildi.Seminarda fuqarolik jamiyati institutlarini davlat tomonidan qoʻllab-quvvatlash, davlat va jamiyat hayotida ularining faolligini yanada oshirish, ijtimoiy muammolar yechimiga qaratilgan tashabbus va loyihalarni amalga oshirish kabi masalalar yuzasidan fikr almashildi. ZOOM platformasi orqali oʻtgan oʻquv-seminarida davlat granti va ijtimoiy buyurtmalarni ajratish bilan bogʻliq barcha jarayonlar shaffofligini taʼminlashga qaratilgan ngo.gov.uz elektron platformasi imkoniyatlari haqida Oliy Majlis huzuridagi Fuqarolik jamiyati institutlarini qoʻllab-quvvatlash jamoat fondi mutaxassislari tushuntirish berdi. Oʻquv-seminarda ishtirokchilar oʻzlarini qiziqtirgan savollarga soha mutaxassislari tomonidan aniq javoblar oldi. 

 

Shuningdek, yigʻilishda Oliy Majlis huzuridagi Fuqarolik jamiyati institutlarini qoʻllab-quvvatlash jamoat fondi Buxoro viloyati boʻlinmasi, viloyatdagi Milliy madaniy markazlar, viloyat Kar va soqovlar, viloyat Koʻzi ojizlar, viloyat Nogironlar jamiyati, hamda viloyat Nogironlar Assotsiatsiyasi tomonidan 2-chorakda amalga oshirilgan ishlar muhokama qilindi va tegishli qarorlar qabul qilindi.

 

2025-yil 19-may kuni Buxoro viloyati hokimi Botir Zaripovning navbatdagi sayyor qabuli odatdagidan boshqacha formatda oʻtkazildi.Kasaba uyushmalari tashkilotlari birlashmasi viloyat kengashi binosida viloyatda istiqomat qiluvchi koʻzi ojiz fuqarolar uchun sayyor qabul tashkil etilib, unda muammolari yechimidan umidvor boʻlib kelgan imkoniyati cheklangan fuqarolarning masalalari tegishliligi boʻyicha koʻrib chiqildi. Buning uchun shahar-tumanlardan tashrif buyuruvchi koʻzi ojiz fuqarolar va ularning kuzatuvchilariga zarur shart-sharoitlar yaratildi.Sayyor qabulda Oʻzbekiston koʻzi ojizlar jamiyati markaziy boshqaruvi raisi Ergash Norpoʻlatov, aloqador viloyat boshqarma va tashkilotlari rahbarlari ishtirok etdi.Qariyb 3 soat davom etgan sayyor qabul jarayonida fuqarolardan asosan, uy-joy bilan taʼminlash, uy-joyni taʼmirlash, davolanish uchun yordam koʻrsatish, ishga joylashtirish, moddiy yordam ajratish, kredit olish, kommunal qarzdorlikni bartaraf etish va boshqa masalalar borasidagi muammolar boʻyicha murojaatlar qabul qilindi. Sayyor qabul davomida imkoniyati cheklangan fuqarolarning kundalik hayotda qiynab kelayotgan aksariyat muammolari oʻz ijobiy yechimini topdi. Bugungi kunda viloyatda 3 ming 603 nafar koʻzi ojiz va zaif koʻruvchi fuqarolar istiqomat qiladi. Oʻzbekiston koʻzi ojizlar jamiyatining viloyat boʻlimi oʻz atrofiga 3 ming nafardan ortiq 1-, 2-guruh nogironlarini birlashtirgan. Joylarda jamiyatning 12 ta shahar va tuman boʻlinmalari faoliyat koʻrsatmoqda. Oʻzbekiston koʻzi ojizlar jamiyati markaziy boshqaruvi raisi Ergash Norpoʻlatov Buxoro  viloyati hokimi bilan muloqotda tegishli OʻzKOJ xududiy boʻlim va uning nazoratidagi mahalliy boʻlinmalar, ishlab chiqarish korxonalari hamda hududdagi koʻzi ojizlar maxsus kutubxonalari, koʻzi ojizlar maxsus dam olish markazlari va  koʻzi ojiz bolalarni oʻqitishga ixtisoslashtirilgan davlat taʼlim muassasasi (internat-maktab) faoliyatidagi  muammolarni hal etish masalalalari ham koʻrib chiqildi. Bu ezgu ishlar aholining farovon hayotini taʼminlashga, bugungi kundan rozi bӯlib yashashlariga xizmat qilishi bilan ham ahamiyatlidir.

 

23-may kuni Buxoro shahridagi NNT va Doʻstlik uyida Oliy Majlis huzuridagi fuqarolik jamiyati institutlarini qoʻllab-quvvatlash Jamoat fondi rahbari Otabek Husanov tomonidan viloyatda faoliyat yuritayotgan fuqarolik jamiyati institutlari vakillari bilan ochiq muloqot boʻlib oʻtdi. Unda xalq deputatlari viloyat Kengashi kotibiyati, viloyat, shahar, tuman Kengashlari deputatlari, viloyatda faoliyat olib borayotgan Nodavlat notijorat tashkilotlari rahbarlari, mahalla fuqarolar yigʻinlari raislari, ommaviy axborot vositalari vakillari hamda blogerlar qatnashdi. 

 

Ochiq muloqotda Oʻzbekiston Respublikasi Prezidentining “Fuqarolik jamiyati institutlarini davlat tomonidan qoʻllab-quvvatlash tizimini yanada takomillashtirish chora-tadbirlari toʻgʻrisida”gi farmoni mazmun-mohiyati, Oliy Majlis huzuridagi Jamoat fondi tomonidan eʼlon qilingan davlat granti tanlovi, loyihalarni taqdim etish hamda ngo.gov.uz platformasi imkoniyatlari haqida tushuntirish berildi.Muloqotda fuqarolik jamiyati institutlarini davlat tomonidan qoʻllab-quvvatlash, davlat va jamiyat hayotida ularning faolligini yanada oshirish, ijtimoiy muammolar yechimiga qaratilgan tashabbus va loyihalarni amalga oshirish kabi masalalar yuzasidan fikr almashildi.Tadbir ishtirokchilar oʻzlarini qiziqtirgan savollarga soha mutaxassislari tomonidan aniq javob oldi.Shuningdek, nodavlat notijorat tashkilotlar rahbarlarining murojaati ham tinglandi va ularda koʻtarilgan masalalar joyida muhokama qilindi va ijrosi taʼminlandi.  Ochiq muloqotdan soʻng, O. Husanov viloyatda faoliyat olib borayotgan milliy madaniy markazlar faoliyati, ular uchun yaratib berilgan shart-sharoitlar oʻrganildi. Ular bilan suhbat jarayonida amalga oshirilayotgan ishlar, Oliy Majlis huzuridagi Jamoat fondi tomonidan ajratilayotgan subsidiyalarning maqsadli ishlatilayotganligi va galdagi vazifalar muhokama qilindi.

 

Ayni kunda viloyatda 12 ta milliy-madaniy markazlar faoliyat yuritmoqda. Oʻzbekiston Respublikasi Prezidentining tashabbusi bilan  2021-yilda Buxoro shahri, Ibrohim Moʻminov koʻchasi, 30-uyda Nodavlat  notijorat tashkilotlari “Doʻstlik uyi” tashkil etilgan. Mazkur binoda milliy-madaniy markazlar uchun alohida xonalar ajratilib, zarur kompyuter jamlanmasi, axborot texnologiyalari, qattiq va yumshoq mebel bilan taʼminlangan. Hozirda bu maskanda 10 ta milliy madaniy markazi hamda 4 ta nodavlat-notijorat tashkiloti faoliyat yuritmoqda. Shuningdek, millatlararo totuvlik, diniy bagʻrikenglik mavzularida viloyat televideniyesida har haftada bir marotaba “Oltin silsila”, tojik tilida “Poyomi roʻz”, rus tilida “Nedelya” koʻrsatuvlari efirga uzatib kelinmoqda. Xalq deputatlari viloyat Kengashi muassisligida “Buxarskiy vestnik” gazetasi rus tilida haftada ikki marotaba chop etilmoqda. 

 

Milliy-madaniy markazlar tomonidan viloyatda istiqomat qilayotgan turli millatlarning urf-odatlari, qadriyatlari, kiyimlari hamda milliy taomlarini aks ettiruvchi “Sabantoʻy”, “Maslenitsa”, “Xalqlar doʻstligi kuni”, “Bagʻrikenglik haftaligi” kabi bayram tadbirlari oʻtkazib kelinmoqda.Ishtirokchilar Qorakoʻl tumanida Davlat ijtimoiy buyurmasi asosida qurilayotgan Oʻzbekiston koʻzi ojizlar jamiyati Qorakoʻl tumani boʻlimining yangi zamonaviy binoda amalga oshirilayotgan ishlar bilan tanishildi va kerakli maslahatlar berildi. Oliy Majlis huzuridagi Jamoat fondi rahbari 2024-yilda foydalanishga topshirilgan Oʻzbekiston koʻzi ojizlar jamiyati Buxoro viloyati Shofirkon oʻquv ishlab chiqarish korxonasida ham boʻldi. U yerda yaratilgan shart-sharoitlarni oʻrgandi.Oʻtgan 2023-yilda Oʻzbekiston koʻzi ojizlar jamiyati Buxoro viloyat boʻlimining “Ezgulik ramzi” ijtimoiy loyihasi hamda Shofirkon tumani hokimligining davlat ijtimoiy buyurtmasi asosida tumandagi koʻrishda nogironligi boʻlgan shaxslarning ijtimoiy va mehnat sharoitlarini yaxshilash maqsadida bu yerdagi mavjud bino-inshootlarni rekonstruksiya qilishga kirishildi. Buning uchun Oʻzbekiston Respublikasi Oliy Majlisi huzuridagi fuqarolik jamiyati institutlarini qoʻllab-quvvatlash jamoat fondi tomonidan 1 milliard 400 million soʻm miqdorida davlat subsidiya mablagʻi ajratildi. Loyiha doirasidagi ishlar nihoyasiga yetib, natijada “Oʻrikzor Ipak yoʻli tesktil” MCHJ qurilish tashkiloti tomonidan 225 metr kvadratdan iborat ishlab chiqarish sexi, 200 metr kvadratdan iborat ikki qavatli maʼmuriy bino yangilandi. Maʼnaviyat zali va savdo doʻkoni uchun moʻljallangan obyekt qurildi. 

 

Yana ikkita ishlab chiqarish sexi rekonstruksiya qilindi. Eʼtiborli tomoni, umumiy hisobda 25 nafar ishchi-xodimga zamonaviy mehnat sharoiti yaratildi.Mazkur korxona imkoniyati cheklangan, ayniqsa, koʻrishda nuqsoni bor shaxslarning bandligini taʼminlash, ularning jamiyat hayotida yanada faol boʻlishi uchun muhim obyektga aylandi.  30-may kuni Buxoroda “Demokratik islohotlar: fuqarolik jamiyati institutlari transformatsiyasi” mavzusida seminar tashkil etildi. Unda viloyat Adliya boshqarmasi, Oliy Majlis huzuridagi Jamoat fondi, OʻzNNTMA vakillari, milliy madaniy markazlar, OAV hamda faoliyat yuritayotgan NNTlarning vakillari qatnashdi. 

 

Tadbir Demokratik jarayonlarni tahlil qilish Markazi Buxoro viloyati hududiy boʻlinmasi, Oliy Majlis huzuridagi fuqarolik jamiyati institutlarini qoʻllab-quvvatlash Jamoat fondi viloyat boʻlinmasi hamda viloyat adliya boshqarmasi bilan hamkorlikda oʻtkazildi.– Tadbirdan koʻzlangan asosiy maqsad fuqarolik jamiyati institutlarining davlat va jamiyat boshqaruvidagi ishtiroki hamda jamoatchilik nazoratidagi rolini kuchaytirish, bu borada samarali mexanizmlar ishlab chiqishdan iboratdir. Seminar doirasida viloyatda faoliyat yuritayotgan nodavlat notijorat tashkilotlarining muammolari, tashabbuslari va ularni qoʻllab-quvvatlash boʻyicha amaliy yechimlar muhokama qilindi. Mahalliy ekspertlar ishtirokida sohani takomillashtirish boʻyicha aniq va amaliy takliflar ishlab chiqildi. Shu bilan birga, davlat organlari va fuqarolik jamiyati subyektlari oʻrtasida samarali muloqot va hamkorlikni yoʻlga qoʻyish, doimiy muloqot platformasini shakllantirish ham asosiy maqsadlardan biri hisoblanadi. –Tadbir Prezidentimizning “2021 – 2025-yillarda fuqarolik jamiyatini rivojlantirish konsepsiyasini tasdiqlash toʻgʻrisida”gi farmoni, “Oʻzbekiston – 2030” strategiyasi hamda 2025-yil uchun qabul qilingan 288-sonli Hukumat qarori asosida amalga oshirildi. Tadbir ishtirokchilari fuqarolik jamiyati institutlari transformatsiyasi va ularning milliy islohotlardagi faol ishtiroki mamlakat taraqqiyoti uchun hal qiluvchi ahamiyatga ega ekanini qayd etdi. Seminarning yakunlari hududiy darajada amaliyotga yoʻnaltirilgan yangi yondashuvlar uchun poydevor boʻlib xizmat qiladi.

 

Oliy Majlis huzuridagi Fuqarolik jamiyati institutlarini qoʻllab-quvvatlash jamoat fondining Buxoro viloyati boʻlinmasi tomonidan 2025-yil 2-iyul kuni NNT va Doʻstlik uyida Oʻzbekiston Ekologik partiyasi Buxoro viloyati Kengashi, “Qiziq yarim oy” jamiyati Buxoro viloyati boʻlinmasi, Buxoro shahar obodonlashtirish boshqarmasi bilan hamkorlikda  “Toza hudud” aksiyasi boʻlib oʻtdi.

 

Unda  Xalq deputatlari viloyat Kengashi deputatlari, viloyatda faoliyat yuritayotgan milliy madaniy markazlar,  NNTlar hamda ommaviy axborot vositalari  vakillari qatnashdi.

 

Dastlab,  NNT va Doʻstlik uyidagi majlislar zalida “Toza hudud” aksiyasi doirasida atrof-muhitni asrash, tozalikni saqlash va ekologik madaniyatni shakllantirish borasida tushunchalar berildi. 

 

Shundan soʻng, aksiya doirasida NNT va Doʻstlik uyi oldidagi bogʻda hamkor tashkilotlar bilan birgalikda bogʻ atrofi begona oʻtlardan va axlatlardan tozalandi, koʻchat taglari yumshatildi va sugʻorildi. Maxsus texnikalar yordamida chiqindilar olib chiqildi obodonlashtirildi.  

 

Aksiyada faol ishtirok etgan ishtirokchilar esdalik sovgʻalari bilan taqdirlandi. Loyiha doirasida amalga oshirilgan ishlar ommaviy axborot vositalari tomonidan yoritildi.

 

2025-yil  10-iyul kuni Buxoro shahridagi Doʻstlik uyida Oliy Majlis huzuridagi Fuqarolik jamiyati institutlarini qoʻllab-quvvatlash jamoat fondining viloyat boʻlinmasi tashabbusi bilan Oʻzbekiston Ekologik partiyasi Buxoro viloyat Kengashi, Ekologiya, atrof-muhitni muhofaza qilish va iqlim oʻzgarishi viloyat boshqarmasi hamkorligida “Suv hayot demakdir!” mavzusida davra suhbati boʻlib oʻtdi. Tadbirda NNTlar, mahalla fuqarolar yigʻini raislari hamda ommaviy axborot vositalari ishtirok etdi. Suhbat davomida suv resurslaridan oqilona foydalanish, iqlim oʻzgarishlari fonida suv taqchilligi, ichimlik suvini tejash, qishloq xoʻjaligida samarali sugʻorish texnologiyalarini joriy etish, shuningdek, aholining ekologik savodxonligini oshirish kabi dolzarb masalalar muhokama qilindi. Ishtirokchilar tomonidan bu borada amalga oshirilayotgan ishlar, mavjud muammolar va ularni bartaraf etish yoʻllari yuzasidan takliflar bildirildi. Tadbir yakunida barcha ishtirokchilar jamiyatimiz va atrof-muhit barqarorligi uchun har bir tomchi suv qadrli ekanini yana bir bor chuqur angladi. Tadbir ishtirokchilari tomonidan mavzuga doir takliflar bildirildi. Buxoro shahar NNT va Doʻstlik uyida 2025-yil 17-iyul kuni Oliy Majlis huzuridagi Jamoat fondining viloyat boʻlinmasi tomonidan “Hududlardagi ijtimoiy ahamiyatga ega muammolar yechimiga qaratilgan davlat granti tanlovi yakunlari” mavzusida matbuot anjumani boʻlib oʻtdi. Unda mahalliy Kengash deputatlari, nodavlat notijorat tashkilotlar rahbarlari, ommaviy axborot vositalari vakillari va blogerlar qatnashdi.Prezidentimiz tomonidan 2024-yil 26-avgustda qabul qilingan “Fuqarolik jamiyati institutlarini davlat tomonidan qoʻllab-quvvatlash tizimini yanada takomillashtirish chora-tadbirlari toʻgʻrisida”gi farmoni sohadagi islohotlarni yangi bosqichga olib chiqdi, davlat va jamiyat hayotida fuqarolik jamiyati institutlari faolligini yanada oshirishga xizmat qilmoqda. Hududlarda saqlanib qolayotgan muammolarni fuqarolik jamiyati institutlari bilan hamkorlikda hal etish, ularning tashabbuslarini roʻyobga chiqarishga koʻmaklashish maqsadida Parlament komissiyasi aʼzolari va Jamoat fondi vakillaridan iborat ishchi guruh tomonidan joriy yilda respublikaning barcha hududlarida ijtimoiy ahamiyatga ega muammolar oʻrganilib, hududlar kesimida ushbu muammolar yechimiga qaratilgan “Buxoro viloyatida ijtimoiy muammolarni hal etishga fuqarolik jamiyati institutlarini jalb etish” mavzusida davlat granti tanlovi eʼlon qilingan edi. 

 

Aholi bandligini taʼminlash, ijtimoiy muhofaza va sogʻliqni saqlash, atrof-muhit va sanitar-gigiyenik holatni yaxshilash, taʼlim, madaniyat va sportni rivojlantirish, sogʻlom turmush tarzini qaror toptirish, korrupsiyaga qarshi kurashish kabi yoʻnalishlarni qamrab olgan grant tanloviga fuqarolik jamiyati institutlaridan ngo.gov.uz platformasi orqali Oliy Majlis huzuridagi Jamoat fondi tomonidan eʼlon qilingan tanlovlarga viloyatdagi fuqarolik jamiyati institutlaridan viloyat tanloviga 24 ta, respublika tanloviga 32 ta  loyiha taqdim etilgan.Taqdim etilgan loyihalar Parlament komissiyasi tomonidan koʻrib chiqildi. Viloyatdagi 13 ta fuqarolik jamiyati institutlarining loyihalari gʻolib deb topildi. Ularga jami, 1 milliard 438 million soʻm garnt mablagʻlari ajratildi. Tadbirda tanlov gʻoliblari bilan shartnomalar imzolandi va sertifikatlar topshirildi. Buxorodagi “Wiedergeburt” Oʻzbekiston nemis milliy madaniy markazi viloyat boʻlimining tashkil topganiga 30 yil toʻldi. Sana munosabati bilan markaz tomonidan doʻstlik va birodarlik kechasi tashkil etildi.Tadbir yana bir karra viloyatda istiqomat qilayotgan turli millat vakillarini bir davra atrofida birlashtirdi. 

 

Doʻstlik va birodarlik, qardoshlik aloqalarining chin maʼnodagi namunasi boʻlgan tadbir davomida milliy madaniy markazlar oʻzlari hozirlab kelgan chiqishlari bilan nemis millatiga mansub hamyurtlarimizni qutlashdi. Shundan soʻng, nemis milliy madaniy markazi tomonidan tayyorlangan bayram dasturi namoyish etildi va unda yoshlar ijrosidagi nemis milliy kuy qoʻshiqlari, raqslari oʻrin oldi.  Tadbirda ishtirok etgan mehmonlar ham oʻz oʻrnida mamlakatimizda xalqlar va millatlararo doʻstlik va ittifoqchilik aloqalarining koʻp yillik tarixiy ildizlari, bugungi kunda Oʻzbekistonda istiqomat qilib kelayotgan turli millat vakillariga yaratilgan sharoit va imkoniyatlar, xalqlarimiz oʻrtasidagi doʻstlik aloqalari haqida toʻxtalib bu yurtimizda hukm surayotgan tinchlik va osoyishtalikning asosini tashkil etishi taʼkidlandi.– Viloyatda 12 ta milliy madaniy markazlar faoliyat olib bormoqda. Buxoroda esa 40 ga yaqin millat va elat vakillari istiqomat qiladi. Bugungi tinch, osoyishta yurtda barcha millat va elat vakillari birga umrguzaronlik qilib kelmoqda. Yurtimizga bayramlar yarashadi. Bugun esa mana shu markazimizning 30 yilligini doʻstlarimiz bilan birga ahil, inoq oʻtkazdik, – deydi viloyat boʻlimi rahbari Lubat Shtirsenbexer. Nemis milliy madaniy markazi rahbariyati uzoq yillar davomida ularga koʻmak koʻrsatib kelayotgan xomiy tashkilotlar, Oliy Majlis huzuridagi Jamoat fondi va viloyat, shahar hokimligi vakillariga chuqur minnatdorlik bildirdi.

 

Oʻzbekiston Respublikasi mustaqilligining 34 yilligi hamda 30-iyul – Xalqlar doʻstligi kuni munosabati bilan Buxoro davlat universitetida  2025-yilning 28-iyulkuni  Oliy majlis huzuridagi fuqarolik jamiyati institutlarini qoʻllab-quvvatlash jamoat fondi  viloyat boʻlinmasi bilan hamkorlikda “Vatan uchun, millat uchun, xalq uchun” shiori ostida “Xalqlar doʻstligi – mamlakat birligi” mavzusida maʼnaviy maʼrifiy tadbir boʻlib oʻtdi. Unda viloyatdagi milliy madaniy markazlarning rahbarlari, universitet professor-oʻqituvchilar hamda ommaviy axborot vositalari vakillari qatnashdi. Koʻhna va boqiy Buxoro qadim sharq sivilizatsiyasi beshiklaridan biri sifatida asrlar davomida millatlararo totuvlik va bagʻrikenglik maskani boʻlib kelgan. Bugungi kunda ushbu anʼanalar munosib davom etmoqda. Viloyatda 12 ta milliy-madaniy markaz faoliyat yuritmoqda.

 

Buxoro shahridagi NNT va Doʻstlik uyida Oʻzbekiston “Adolat” sotsial-demokratik partiyasi viloyat Kengashi tomonidan davlat mustaqilligining 34 yilligiga bagʻishlangan “Vatan uchun, millat uchun, xalq uchun!” shiori ostida maʼnaviy-maʼrifiy tadbir boʻlib oʻtdi.

 

Tadbirda viloyatdagi mavjud 12 ta milliy madaniy markazlarning rahbarlari va ularning aʼzolari qatnashdi. Unda Buxoro viloyat Kengashi raisi Maqsud Hamidov soʻzga chiqib, mustaqillik yillarida erishilgan yutuqlar, millatlar va konfessiyalar oʻrtasidagi oʻzaro hurmat, hamjihatlik va birdamlikning yurt taraqqiyotidagi oʻrni haqida alohida toʻxtaldi. adbirda turli millat va elat vakillari mamlakatimizda yaratilgan tinchlik va totuvlik muhiti teng imkoniyatlar, milliy urf-odat va anʼanalarni asrab-avaylash borasida oʻz fikrlarini bildirdi.   2025-yil 13-avgust kuni Buxoro shahridagi NNT va Doʻstlik uyida Oʻzbekiston “Adolat” sotsial-demokratik partiyasi viloyat Kengashi tomonidan davlat mustaqilligining 34 yilligiga bagʻishlangan “Vatan uchun, millat uchun, xalq uchun!” shiori ostida maʼnaviy-maʼrifiy tadbir boʻlib oʻtdi. Tadbirda viloyatdagi mavjud 12 ta milliy madaniy markazlarning rahbarlari va ularning aʼzolari qatnashdi. Unda Buxoro viloyat Kengashi raisi Maqsud Hamidov soʻzga chiqib, mustaqillik yillarida erishilgan yutuqlar, millatlar va konfessiyalar oʻrtasidagi oʻzaro hurmat, hamjihatlik va birdamlikning yurt taraqqiyotidagi oʻrni haqida alohida toʻxtaldi. Tadbirda turli millat va elat vakillari mamlakatimizda yaratilgan tinchlik va totuvlik muhiti teng imkoniyatlar, milliy urf-odat va anʼanalarni asrab-avaylash borasida oʻz fikrlarini bildirdi. 

 

Shuningdek, Oʻzbekistonda turli millat vakillari uchun yaratilgan keng shart-sharoitlardan mamnun ekanliklarini bildirib, mustaqillik va doʻstlikning abadiy boʻlishini tilashdi.

 

Buxoroda   2025-yil 21 avgust kuni yirik xalqaro tadbir – “Oʻzbekistonda Qozogʻiston arxivlari kunlari” doirasida qator tadbirlar boʻlib oʻtdi. Tadbir Oʻzbekiston va Qozogʻiston arxivlarida ikki qardosh xalq aloqalariga oid arxiv hujjatlari koʻrgazmasi taqdimotlari bilan boshlandi. Mazkur koʻrgazma doirasida Oʻzbekiston Respublikasi va Qozogʻiston Respublikasi arxivlarida saqlanayotgan, ikki davlat oʻrtasidagi tarixiy, siyosiy, iqtisodiy va madaniy aloqalarni yorituvchi noyob hujjatlar ilk bor keng jamoatchilik eʼtiboriga havola etildi. Koʻrgazma tashrif buyuruvchilarga ikki xalq oʻrtasidagi oʻzaro doʻstlik, qoʻshnichilik va strategik hamkorlikning chuqur tarixiy ildizlarini hujjatlar asosida koʻrsatish imkonini berdi. Noyob manbalar nafaqat arxiv sohasi mutaxassislari, balki yosh tadqiqotchilar, talabalar, tarix ixlosmandlarida ham katta qiziqish uygʻotdi. Ular ilmiy-amaliy ahamiyati bilan birga, maʼnaviy va madaniy qadriyatlarni asrash, tarixiy xotirani jonlantirish borasida ham katta tarbiyaviy va strategik ahamiyatga ega. Ushbu munosabatlar Oʻzbekiston va Qozogʻiston oʻrtasidagi madaniy-gumanitar hamkorlikni mustahkamlash yoʻlida yangi sahifa ochdi.

 

2025-yil 23-avgust kuni Buxoro shaxrida, Oʻzbekiston Nogironlar Assotsiatsiyasi tomonidan "Nogironligi boʻlgan shaxslar huquqlarini taʼminlash" mavzusida seminar oʻtkazildi. Tadbirda Oʻzbekiston Respublikasi Oliy majlis xuzuridagi Fuqarolik jamiyati institutlarini qullab-quvvatlash jamoat fondi, Oʻzbekiston Respublikasi Prezident huzurdagi Ijtimoiy himoya milliy agentligi vakillari, Oʻzbekiston Nogironlar Assotsiatsiyasining Buxoro viloyat xududiy boʻlimi va Toshkent shaxar xududiy boʻlimi, boshka nogironligi boʻlgan shaxslarni xuquqlarini ximoya qiluvchi nodavlat notijorat tashkilotlar ishtirok etdi.

 

Seminar doirasida nogironligi bor shaxslar uchun odil sudlov imkoniyatlarini taʼminlash, turmushning turli jabhalarida, jumladan jinsi va yoshi asosidagi aqidalar, nooʻrin qarashlar hamda zararli odatlar bilan kurashish masalalari, shuningdek, jismoniy toʻsiqsiz muhit yaratilishining qonuniy asoslari yuzasidan maʼruzalar tinglandi. Shuningdek, Oʻzbekiston Respublikasi Prezidentining 2024-yil 26-avgustdagi PF–124-sonli farmonida belgilangan fuqarolik jamiyati institutlarini davlat tomonidan qoʻllab-quvvatlash tizimini takomillashtirishga qaratilgan chora-tadbirlarning mazmun-mohiyati Oʻzbekiston Nogironlar Assotsiatsiyasi raisi tushuntirilib, undan samarali foydalanish uchun ishtirokchilarga tavsiyalar berildi. Tadbir yakunida qatnashchilar mutaxassislardan oʻzlarini qiziqtirgan savollarga javob oldilar va seminarning samaradorligini yuqori baholadilar. Shu bilan birga, bunday tadbirlarni yanada koʻproq oʻtkazish zaruriyatini qayd etishdi. Mazkur tadbir Oʻzbekiston Respublikasi Oliy Majlisi huzuridagi Fuqarolik jamiyati institutlarini qoʻllab-quvvatlash jamoat fondi koʻmagida tashkil etildi.

 

Joriy yilning 12-sentyabr kuni soat 10:00 da Oliy Majlis huzuridagi jamoat fondi va Millatlararo munosabatlar va xorijdagi vatandoshlar masalalari boʻyicha qoʻmitasi bilan birgalikda “Mamlakatimizda yashovchi turli millat va elat vakillarini umummilliy qadriyatlar atrofida birlashtirishda ijtimoiy hamkorlik istiqbolari” mavzusidagi  onlayn va oflayn shaklda  Seminar-trening oʻtkazilishi rejalashtirilgan. Seminarda Milliy madaniy markaz rahbarlari Koʻzi ojizlar jamiyati Buxoro viloyat hududiy boʻlinmasi Karlar jamiyati viloyat hududiy boʻlinmasi Nogironlar assotsiatsiyasi hududiy boʻlinmasining  choraklik hisoboti tinglandi.

 

2025-yil 26-sentyabr kuni Oliy Majlis huzuridagi Fuqarolik jamiyati institutlarini qoʻllab-quvatlash Jamoat fondi Buxoro viloyati boʻlinmasi tashabbusi bilan “Qizil yarim oy” jamiyati viloyat boʻlinmasi bilan hamkorlikda viloyat koʻp tarmoqli bolalar shifoxonasining onkologiya va nevrologiya boʻlimida davolanayotgan bolajon uchun  “Menga umr baxsh et” xayriya aksiyasini oʻtkazdi. Unda Xalq deputatlari viloyat, tuman  Kengashi deputatlari, Jamoat fondi viloyat boʻlinmasi xodimlari, viloyatdagi milliy madaniy markazlar rahbarlari va ularning aʼzolari, nodavlat notijorat tashkilotlari hamda ommaviy axborot vositalari vakillari qatnashdi. 

 

Viloyat koʻp tarmoqli bolalar shifoxonasining onkologiya va nevrologiya boʻlimida 27 nafar bolalar davolanmoqda. Ularning sogʻlom boʻlishlari uchun barcha shart- sharoitlar yaratilgan. 

 

Onkologik kasallikka chalingan bola koʻpincha uzoq davolanish jarayonlarini boshdan kechiradi. Bu davrda uning dunyoqarashida qiyinchiliklar, qoʻrquv va tushkunlik holatlari paydo boʻlishi mumkin. Aksiya doirasida bolalar bilan samimiy muloqot qilindi. Ularni diqqat bilan tinglash ularga kuch-quvvat berdi. Turli oʻyinlar, ijodiy mashgʻulotlar, kitobxonlik soatlari orqali ularning kayfiyati koʻtarildi. Ularga ruhan dalda berdi.

 

Ayniqsa viloyat qoʻgʻirchoq teatri aktyorlari tomonidan tayyorlangan dastur bolajonlarga yaxshi kayfiyat bagʻishladi. 

 

Hisobot davrida boʻlinma tomonidan jami 37 marta faoliyati “ISTIQLOL-TV”, “BUXORO- TV”, “Buxoronoma” OʻzA “Buxoro yoshlari”   “Tezkor yangiliklar” boshqa OAVlarida eʼlon qilindi.