Buxoro viloyati Shofirkon tumani hokimligi

Mazkur loyihalar uchun tumanda jami 164 mlrd 846 mln so‘m mablag‘ yo‘naltirilib, ushbu mablag‘lar hisobidan mahallalarda ta’lim, tibbiyot, ichimlik suvi, yo‘l, elektr ta’minoti, irrigatsiya va xizmat ko‘rsatish infratuzilmasini yaxshilashga qaratilgan qator loyihalar hayotga tatbiq etildi.
Xususan, Tezguzar mahallasida amalga oshirilgan ishlarning umumiy qiymati 37 mlrd 5 mln 441 ming so‘mni tashkil etdi.
Mahallada avvalo ta’lim sohasiga katta e’tibor qaratildi. 20-son maktabgacha ta’lim tashkiloti filialining 90 o‘rinli binosi rekonstruksiya qilinib, buning uchun 3 mlrd 37 mln 51 ming so‘m mablag‘ sarflandi. Natijada mahalladagi maktabgacha yoshdagi bolalar uchun zamonaviy va qulay ta’lim-tarbiya sharoitlari yaratildi.
Shuningdek, 6-son umumta’lim maktabining mavjud 480 o‘rinli binosi ta’mirlanib, qo‘shimcha 180 o‘rinli o‘quv bloki qurildi. Ushbu ishlar uchun 8 mlrd 787 mln so‘m mablag‘ yo‘naltirildi. Natijada maktabning umumiy quvvati 660 o‘ringa yetkazildi.
Aholiga tibbiy xizmat ko‘rsatish sifatini yaxshilash maqsadida 75 qatnovga mo‘ljallangan Tezguzar oilaviy shifokorlik punkti binosi mukammal ta’mirlandi. Mazkur ishlar uchun 760 mln so‘m mablag‘ sarflandi.
Mahallada aholiga xizmat ko‘rsatish va tadbirkorlik faoliyatini rivojlantirish maqsadida 3 qavatli, 12x24 metr o‘lchamdagi mahalla maishiy-xizmat ko‘rsatish markazi ham barpo etildi. Ushbu loyiha uchun 11 mlrd 264 mln so‘m mablag‘ yo‘naltirildi.
Tezguzar mahallasida ichimlik suvi ta’minotini yaxshilash borasida ham salmoqli ishlar bajarildi. Xususan, qariyb 32 kilometr uzunlikdagi tashqi suv ta’minoti tarmoqlari tortildi. Mazkur ishlar uchun 5 mlrd 410 mln so‘m mablag‘ sarflandi. Natijada aholining ichimlik suvi ta’minoti yaxshilanib, suv bilan bog‘liq muammolarni bartaraf etish imkoniyati kengaydi.
Mahalladagi yo‘l infratuzilmasini yaxshilash maqsadida 9,397 kilometr uzunlikdagi magistral va ichki yo‘llar joriy ta’mirlandi. Ushbu ishlarga 5 mlrd 160 mln so‘m mablag‘ yo‘naltirildi. Yo‘llarning ta’mirlanishi natijasida aholi va transport vositalarining harakatlanishi uchun yanada qulay sharoit yaratildi.
Elektr ta’minoti tizimini yaxshilash doirasida mahallada 9 ta transformator podstansiyasi o‘rnatilib, 14 kilometr uzunlikdagi elektr tarmoqlari tortildi. Ushbu ishlar uchun 1 mlrd 977 mln so‘m mablag‘ sarflandi.
Aholining piyoda harakatlanishi uchun qulay va xavfsiz sharoit yaratish maqsadida 2 kilometr uzunlikdagi piyodalar yo‘lagi qurildi. Mazkur loyiha uchun 583 mln 390 ming so‘m mablag‘ yo‘naltirildi.
Shuningdek, qishloq xo‘jaligi yerlarini suv bilan ta’minlash va irrigatsiya tizimini yaxshilash maqsadida mahalla hududidagi 1,6 kilometr uzunlikdagi irrigatsiya tizimlari yaxshilandi. Ushbu ishlar uchun 1 mlrd 27 mln so‘m mablag‘ sarflandi.
Bugun Islom taraqqiyot bankining Olmaota filialidan loyihalar bo‘yicha mintaqaviy menejer boshchiligidagi delegatsiya a’zolari Shofirkon tumaniga tashrif buyurib, Tezguzar mahallasida amalga oshirilgan mazkur ishlarning natijalari bilan yaqindan tanishdi.
Delegatsiya a’zolari dastlab mahalla binosida bo‘lib, mahalla jamg‘armasi mablag‘lari hisobidan amalga oshirilgan ishlar, aholi uchun yaratilgan qulayliklar hamda mahallada olib borilgan bunyodkorlik ishlari bilan tanishdi. Aholi vakillari bilan muloqot davomida yaratilgan sharoitlar, amalga oshirilgan ishlarning natijalari va ularning kundalik hayotdagi ahamiyati haqida fikr almashildi.
Shundan so‘ng delegatsiya vakillari mahalla binosida faoliyat yuritayotgan tadbirkorlik subyektlari, tashkil etilgan sport to‘garaklari hamda bolalarning sport bilan shug‘ullanish jarayonlarini ko‘zdan kechirdi.
Islom taraqqiyot banki mablag‘lari hisobidan amalga oshirilgan ushbu loyihalar Tezguzar mahallasining ijtimoiy va muhandislik infratuzilmasini tubdan yaxshilash, ta’lim va tibbiyot xizmatlari sifatini oshirish, ichimlik suvi va elektr ta’minotini yaxshilash, yo‘l va irrigatsiya tizimlarini rivojlantirish hamda aholi uchun yangi xizmat ko‘rsatish imkoniyatlarini yaratishda muhim omil bo‘ldi.