Shofirkonlik shifokorlar murakkab jarrohlik amaliyotini muvaffaqiyatli yakunladilar
2026-02-11 19:25:00 / Yangiliklar
Tuman tibbiyot birlashmasining malakali mutaxassislari — Oripov Aloviddin hamda Umarov Nodir tomonidan bemorda "Chap yelka suyagi LCT plastinka va shruplar yordamida ekstramedullyar osteosintez qilish hamda chap bilak nervini nevroliz qilish" amaliyoti o‘tkazildi.
Operatsiya jarayonida anesteziolog Shodiyev Yashin tomonidan bemorning holati barqaror ushlab turildi, bu esa jarrohlarga o‘ta nozik bo‘lgan nerv tolalari ustida aniq ishlash imkonini berdi.
Jarrohlik amaliyoti muvaffaqiyatli yakunlandi. Hozirda suyak bo‘laklari metall konstruksiya yordamida mahkamlanib, siqilib qolgan nerv yo‘llari ochib qo‘yildi. Bu esa bemorning tez fursatlarda sog‘ayib, qo‘l harakatlarini qayta tiklashiga zamin yaratadi.
Ta’kidlash joizki, ilgari bunday murakkab amaliyotlar uchun bemorlar viloyat markazlariga yoki poytaxtga borishga majbur bo‘lishardi. Bugun esa Shofirkon tuman shifokorlarining mahorati va zamonaviy tibbiy jihozlar tufayli bu kabi operatsiyalar mahalliy darajada muvaffaqiyatli ijro etilmoqda.