Buxoro viloyati Shofirkon tumani hokimligi

U o‘z tadbirkorlik faoliyatini yo‘lga qo‘yish maqsadida mahalla fuqarolar yig‘iniga murojaat qilib, imtiyozli kredit asosida 6 dona tikuv mashinkasi oldi va tikuvchilik faoliyatini boshladi. Dastlab kichik ko‘lamda yo‘lga qo‘yilgan ish bugungi kunda barqaror ishlab chiqarish tizimiga aylandi.

Hozirda mazkur faoliyat doirasida kelinlik sarpolari, milliy quroqchilik mahsulotlari, so‘zanalar, yostiqlar va ko‘rpachalarni o‘z ichiga olgan 10 ga yaqin turdagi mahsulotlar ishlab chiqarilmoqda. Tayyor mahsulotlar tuman bozorlarida hamda qo‘shni tumanlarda xaridorgir bo‘lib, buyurtmalar hajmi yildan-yilga ortib bormoqda.

Ishlab chiqarish hajmiga ko‘ra, bir oyda o‘rtacha 10–15 dona ko‘rpacha, 10 dona yostiq, 5 dona so‘zana hamda 5 ga yaqin kelinlik sarpolari tayyorlanadi. Mahsulotlarning bozor narxidan kelib chiqib, oylik savdo hajmi 35-40 million so‘mni tashkil etmoqda. Xarajatlar chegirilgach, sof foyda o‘rtacha 15-20- million so‘m atrofida shakllanmoqda.

Faoliyatning muhim jihati shundaki, To‘rayeva Gulshod o‘z shogirdlarini ham hunar bilan ta’minlab, ularning daromad topishiga ko‘maklashmoqda. Bugungi kunda 50 nafardan ortiq ayollar undan tikuvchilik sirlarini o‘rganib, o‘z xonadonlarida mehnat faoliyatini olib bormoqda. Har bir shogird oyiga o‘rtacha 2–3 million so‘m daromad topib, oilaviy byudjetiga barqaror hissa qo‘shmoqda. 

Mazkur tashabbus mahallada ayollar bandligini ta’minlash, ularning ijtimoiy faolligini oshirish hamda hunar orqali barqaror daromad manbai yaratishda muhim ahamiyat kasb etmoqda. To‘rayeva Gulshodning faoliyati bugungi kunda ayollar tadbirkorligini rivojlantirish va mahalla iqtisodiy salohiyatini oshirishning amaliy namunasi sifatida baholanmoqda.