Buxoro viloyati Shofirkon tumani hokimligi

Ana shunday faol va tashabbuskor tadbirkorlardan biri — Bobohaydar MFY, Bobohaydar qishlog‘ida yashovchi Isayeva Lola Sattorovna bo‘lib, u 1989 yilda tug‘ilgan. 2-guruh nogironi bo‘lishiga qaramasdan, bugungi kunda yakka tartibdagi tadbirkor (YaTT) sifatida samarali faoliyat yuritib kelmoqda.

Isayeva Lola Sattorovna 2010 yildan buyon hunarmandchilik faoliyati bilan shug‘ullanib keladi. Shu vaqt mobaynida 70 nafardan ortiq shogirdlar tayyorlab, ularga kasb-hunar o‘rgatgan.

Hozirgi kunda tadbirkor qo‘l ostida 15 nafar xotin-qiz doimiy ish bilan band bo‘lib, ularning har biri o‘rtacha oyiga 2 million 800 ming so‘mdan daromad olmoqda. Ishlab chiqarish jarayonida bir oyda o‘rtacha 300 dona ko‘rpa-to‘shak tayyorlanib, sotuvga chiqarilmoqda.

Bundan tashqari, so‘zana, yostiq, beshik yopinchig‘i, quroq ko‘rpachalar hamda dasturxonlar tayyorlanib, iste’molchilarga yetkazib berilmoqda. Oila tadbirkorligi doirasida paxtani tozalash apparati ham faoliyat yuritib, qo‘shimcha daromad manbai bo‘lib xizmat qilmoqda. Mazkur uskuna uchun tadbirkor tomonidan 100 million so‘m miqdorida shaxsiy mablag‘ sarflangan.

Shuningdek, 2023 yilda Isayeva Lola Sattorovna “Ayollar daftari”ga kiritilib, davlat qo‘llab-quvvatlovi doirasida ayollar daftari mablag‘lari hisobidan bir dona tikuv mashinasi subsidiya asosida berilgan.

Isayeva Lola Sattorovnaning faoliyati tumanda xotin-qizlar tadbirkorligi izchil rivojlanib borayotganining yana bir yorqin namunasi hisoblanadi.

Shofirkon tuman hokimligi axborot xizmati