Sirdaryo viloyati Shirin shahar hokimligi

Bugun Shirin shahar Amir Temur mahallasida Mahallabay soliq inspektori tomonidan amalga oshirilgan ishlar, soliq bazasini kengaytirish, tadbirkorlikni qo‘llab-quvvatlash hamda ularga ko‘maklashish, norasmiy faoliyatlarni legallashtirish borasida olib borilgan ishlarni keng jamoatchilikka tanishtirish maqsadida press-tur tashkil etildi. Tadbirda Shirin shahar soliq inspeksiyasi rahbari Dilrabo Inatova, ommaviy axborot vositalari vakillari va jamoat faollari ishtirok etdi.

Ushbu Amir Temur mahallasida mahalla yettiligi vakillari bilan hamkorlikda 2025-yilning I yarmida qator natijalarga erishildi. Yakka tartibdagi tadbirkorlardan 84,9 mln so‘m qat’iy soliq, mol-mulk va yer soliqlari bo‘yicha 97,1 mln so‘m tushum ta’minlandi.

26 ta qo‘shimcha soliq obyektlari aniqlanib, 29,2 mln so‘mlik soliqlar hisoblandi. 5 nafar tadbirkorning faoliyati qayta tiklandi, 17 nafar norasmiy ishchi qonuniylashtirildi.

118 nafar fuqaro o‘zini o‘zi band qilish asosida ro‘yxatga olindi, 2 ta yangi dehqon xo‘jaligi tashkil etildi. 5 nafar noqonuniy tadbirkor qonuniylashtirilib, 21 nafar tadbirkorga elektron hisobot topshirish bo‘yicha yordam ko‘rsatildi.

11 ta korxonada o‘tkazilgan nazorat natijasida 10 nafar ishchi qonuniy ishga joylashtirildi, 30 nafar fuqaro bilan ijara shartnomalari rasmiylashtirildi.

24 ta loyiha doirasida 330 mln so‘m kredit ajratildi. 2 ta loyiha uchun 180 mln so‘m bank krediti berilib, tikuvchilik va go‘zallik saloni ishga tushdi. 5 ta yangi ish o‘rni yaratildi.

“Tusunov Allanazar” va “Ibragimova Gulchexra” YATTlarining faoliyati o‘rganildi. Soliq inspektori ko‘magida barqaror faoliyat yo‘lga qo‘yildi.

Press-tur jarayonida soliqchilarning mahalla bilan hamkorlikda olib borayotgan amaliy ishlari ochiq tarzda namoyish etildi.