Sirdaryo viloyati Shirin shahar hokimligi

Yig‘ilishda mahallalarda aholi muammolarini o‘z vaqtida aniqlash va bartaraf etish, bandlikni ta’minlash, kambag‘allikni qisqartirish, huquqbuzarliklarning oldini olish, oilalar bilan manzilli ishlash hamda migratsiya bilan bog‘liq yo‘nalishlarda amalga oshirilgan ishlar atroflicha tahlil qilindi.

Mas’ullar tomonidan hisobotlar taqdim etilib, erishilgan natijalar bilan bir qatorda faoliyat davomida yo‘l qo‘yilgan kamchiliklar ham muhokama qilindi.

Shahar hokimi tomonidan har bir mahalladagi mavjud muammolarni tizimli hal etish, aholi bilan manzilli ishlashni kuchaytirish, fuqarolar murojaatlarini o‘z vaqtida ko‘rib chiqish hamda belgilangan ko‘rsatkichlarga erishish yuzasidan aniq vazifalar belgilab berildi.

Shuningdek, avval berilgan topshiriq va ogohlantirishlardan tegishli xulosa chiqarmagan, o‘z xizmat vazifalarini lozim darajada bajarmagan mahalla raislari hamda hokim yordamchilarining faoliyati keskin tanqid qilindi. Ularga nisbatan qonunchilikda belgilangan tartibda tegishli intizomiy jazo choralarini qo‘llash belgilandi.

Yig‘ilish yakunida mahallalarda ishlar samaradorligini yanada oshirish, mavjud kamchiliklarni qisqa muddatlarda bartaraf etish hamda belgilangan vazifalar ijrosini qat’iy nazoratga olish yuzasidan mas’ullarga topshiriqlar berildi.