Xitoy kompaniyalari bilan o‘zaro manfaatli hamkorlik masalalari muhokama qilinmoqda
2026-05-08 17:20:00 / Yangiliklar
Ayni kunlarda Shirin shahri delegatsiyasi tomonidan Xitoy Xalq Respublikasida “XAN GUNYUE ELECTRONICS TECHNOLOGY CO., LTD.” elektrotexnika mahsulotlari, elektr komponentlari, transformator hamda quvvat bloklari ishlab chiqarish, “Ningxia Yuanfeng Pharmaceutical Co., Ltd.” farmatsevtika mahsulotlari ishlab chiqarish, “Seimitsu Electric Appliance Co., Ltd.” payvandlash uskuna va jihozlari ishlab chiqarish hamda “Tianjin Henghua Electromechanical Co., Ltd.” konditsioner ishlab chiqarish yo‘nalishida faoliyat yurituvchi yirik kompaniyalar vakillari bilan uchrashuvlar o‘tkazilmoqda.
Uchrashuvlar davomida o‘zaro manfaatli hamkorlikni yo‘lga qo‘yish, hududda yangi investitsiya loyihalarini amalga oshirish, zamonaviy va ilg‘or texnologiyalarni jalb etish, ishlab chiqarish hajmini kengaytirish hamda yangi ish o‘rinlarini yaratish masalalari yuzasidan muzokaralar olib borilmoqda.