O‘zbekiston Respublikasi Prezidentining PF-277-sonli farmoni — mamlakatimizda sud tizimini isloh qilishga, sudyalar hamjamiyati organlari faoliyatini oshirishga va sud mustaqilligini yanada mustahkamlashga mo‘ljallangan muhim hujjatdir
2025-12-16 17:24:00 / Yangiliklar
2025-yil 24-noyabrda qabul qilingan O‘zbekiston Respublikasi Prezidentining “Sudyalar hamjamiyati organlari faoliyatining samaradorligi va ochiqligini oshirish hamda sud mustaqilligi kafolatlarini yanada kuchaytirish chora-tadbirlari to‘g‘risida”gi PF-277-sonli farmoni — mamlakatimizda sud tizimini isloh qilishga, sudyalar hamjamiyati organlari faoliyatini oshirishga va sud mustaqilligini yanada mustahkamlashga mo‘ljallangan muhim hujjatdir.
Maqsad — sud hokimiyati tizimini xalqaro standartlarga mos ravishda takomillashtirish, sud faoliyatida shaffoflik va ochiqlikni ta’minlash hamda adolatli, mustaqil sudlovni kafolatlashdan iborat.
Farmonga ko‘ra, endi sudyalar dastlab 5 yillik “sinov” muddatiga, undan keyin esa muddatsiz davrga tayinlanadi — ya’ni sudyalar lavozimi doimiy bo‘ladi.
Sud organlarining yetarli, malakali kadrlar bilan to‘ldirilishi tartibi takomillashtiriladi, sudyalar hamjamiyati organlari — ya’ni sudyaning o‘zini o‘zi boshqarish tamoyili mustahkamlanadi, sudyalikka nomzodlarni tanlash endi shaffof va ochiq tanlov asosida bo‘ladi.
Sudyalar uchun mustahkam kafolatlar yaratilishi — sud mustaqilligi va adolatlilikni yanada oshiradi. Bu sud organlarining tashqi bosimlardan mustaqilligini ta’minlaydi.
Shaffof tanlov va malakali kadrlar — sudyalikga nomzodlarning ovozi, kasbiy layoqati va odob-axloqi asosida tanlanishini kafolatlaydi. Bu esa sud qarorlarining adolatli va qonuniy bo‘lishiga xizmat qiladi.
Ayol sudyalar ulushining oshirilishi — sud tizimida gender tengligini ta’minlaydi va jamiyatda sud hokimiyatining yanada inklyuziv, keng vakillikka ega bo‘lishini ko‘rsatadi.
Umuman, PF-277 orqali sud tizimi modernizatsiyalanadi va xalqning sudga bo‘lgan ishonchi, sud himoyasiga murojaat qilish imkoniyati kuchayadi.
Bu orqali fuqarolar — adolatli, shaffof sudlov, haqqoniy sud himoyasi, huquqlarini himoya qilish imkoniyati oshadi.
Jamiyat — sud tizimining ishonchliligi, adolatlilik va mustaqilligi orqali huquqiy davlat poydevori mustahkamlanadi.
PF-277-sonli farmon— O‘zbekiston sud tizimida tub islohotlarni rag‘batlantiruvchi hujjat. U sud mustaqilligini, sudyalarning kasbiy vijdonini, sud hamjamiyati organlari faoliyatining samaradorligi va sudlovning ochiqligini kafolatlaydi. Bu esa — adolatli, ishonchli va xalq manfaatlariga xizmat qiluvchi sud tizimining shakllanishi uchun muhim bosqichdir.
Jinoyat ishlari bo‘yicha Shirin shahar sudining tergov sudyasi
Korabayev Rustam Xatamovich