Tadbirkorlar bilan uchrashuv: soliq yangiliklari va raqamli imkoniyatlar sari dadil qadam
2025-12-11 02:00:00 / Yangiliklar
Shirin shahar Soliq inspeksiyasi tomonidan shaharda faoliyat yuritayotgan tadbirkorlar uchun mazmunan boy, amaliy ahamiyatga ega bo‘lgan uchrashuv tashkil etildi.
Uchrashuv doirasida Prezidentimizning 2025-yil 12-avgustdagi PQ-247-sonli qarori ijrosi hamda zamonaviy elektron platformalardan samarali foydalanish masalalari atroflicha muhokama qilindi. Tadbirda tadbirkorlarga soliq sohasidagi dolzarb yangiliklar, ularning qonuniy huquq va manfaatlarini himoya qilish tartib-taomillari yuzasidan batafsil tushuntirishlar berildi.
Uchrashuv o‘zaro fikr almashinuvi, savol-javoblar va amaliy ko‘mak ruhida o‘tib, tadbirkorlarga yangi bilimlar va kelgusi rejalarda mustahkam tayanch bo‘ladigan foydali ma’lumotlar taqdim etildi.